CARITO RANDAI PANGLIMO GAGA

 

CARITO RANDAI

PALIMO GAGA JO SIRENO  NILAM

 

Oleh:

Sanggar Mudo Barapi Kota Solok

KESENIAN TRADISIONAL MINANGKABAU

“SANGGAR MUDO BARAPI”

Kota solok

Pemeran

1.      PANGLIMO GAGA

2.      BUJANG BAGANTO

3.      RENO NILAM

4.      CIAK MENAN

5.      GALANG SAPIK

6.      TUAK LEMAN

SINOPSIS

Cerita Ini Mengisahkan Tentang Perjodohan Antara Panglimo Gaga Dan Sireno Nilam, Reno Nilam Adalah Seorang Anak Yatim Piatu Yang Tinggal Bersama Mamaknya Ciak Menan, Lantaran Karna Sang Mamak Memiliki Hutang Kepada Panglimo Gaga karena kalah judi, Sehingga Mamak Berniat Memebayar Hutang Tersebut Dengan Menjodohkan Reno Nilam Dengan Panglimo Gaga, Tetapi Reno Nilam Menolak Kemauan Mamaknya.

PERMULAAN

Randai masuk di iring dengan calempong

1.      DAYANGDAINI

Mano Sagalo Niniak jo Mamak

Sarato sanak Jo Sudaro2x

Rila jo Maaf nan kami mintak

Randai dimulai langkah di angkek2x

2.      SIMARANTANG RANDAH

Nan di bukak  curito lamo

Palimo gaga jo reno nilam 2x

Di imbau dubalang nan baduo

Langkok jo diri aciak menan

Mangko bukak lapiak pamainan

3.      SIMARANTANG TINGGI

Iyo ……

Jikok ado jarum nan patah

Usah disimpan dalam peti

Buang kan sajo ka pumatang

Jikok ado kato nan salah

Usah disimpan dalam hati

Buangkan sajo ka bulakang sanak o……… oi

Iyo……..

Rancak nagari dek panghulu

Jalan undang undang dek dubalang

Randai sagitu malah dulu

Talempong mairiang dibalakang

SEKAPUR SIRIH

Assalamualaikum pamulo pambukak kato
Bismillah kato dimulai

Salam jo sambah disampaikan

Bagai awa pamulai kato

Sipatan rundiang  pandahuluan

Salam taunjuak sanak sudaro

Iyo kaganti bajawek tangan

Kami nak randai Mudo Barapi

Nan talatak Ditanah Garam

Dalam daerah Kota Solok

Banda urang kami bandakan

Banda nak lalu kamuaro

Kaba urang kami kabakan

Kalau baduto kami tak sato

Nan takaba Palimo Gaga

Duo jo diri Sireno Nilam

Jikok ado namo nan samo

Rila jo maaf kami dimintak

Maklumlah kami nak randai

Umua nan balum satampuak pinang

Darah nan balum satahun jaguang

Aka balum pangalaman kurang

Gadang badan gadang dek lueh

Tolong dek sanak samparonokan

Buliah nak samo ka nan elok

Randai bamulai bacurito

Tanang dunsanak mandangakan 

CERITA RANDAI PALIMO GAGA DAN SIRENO NILAM

1.   Palimo Gaga Maimbau Dubalang Nan Baduo

Palimo gaga	:	Mano lah tuak leman jo galang sapik??? Kamano pulo kolah paja ko malala …. Tadi pagi bajanji disiko ka main koa jo Ciak menan ??? Lah jam sagiko tapi alum juo tibo sampai kini alum juo manjungua puncak iduang eee paja tu… Anak mudo nan ka maacuakan zaman Kok mangecek baduto-duto Kok janji mungkia-mungkia Kok dipicayo kianek Kok tibo talambek lambek Kok datang manyuruak-nyuruak Tua leman ??? Galang sapik ???
Tuak Leman dan G.Sapik		G sapik : Man ? T lman  : apo pik G sapik : palimo lah manunggu man ? T lman  : tub a pik G sapik : anok se lah dulu T lman  : wak kajuikan nyo pik ? G sapik : jadih man T lman  : wak ang sabalah situ den sabalah siko G sapik : kok mati se tuan tu wak kajuk an  ba man ??? T lman  : rancak lah lai Wak ang ambiak bini e den ambiak anak. G. sapik : Tu ndak masuak man …binie lah gaek G sapik : aaaaaaaaaaaaaaaa ? p. gaga  : hep . hep . hep. Kama kalian …. T lman  : ampuuuun tuannn …. Ampun ….
Galang Sapik	:	Ampunkan kami tuan panglimo, ampun baribu kali ampun, kami takuakan kapalo nan satu, kami unjuakan lutuaik nan duo, mamintak ampun bakeh tuan Tuan tutuah batang sibaransi Baro rang ambiak kakilangan Tuan bunuah kami ka mati Tuan juo nan kahilangan Ampunkan denai tuan palimo Bukannyo denai talambek disangajo Banyak rintangan nan dihadang Tantangan ka diri ciak menan Inyo katibo sabanta lai Sabalah tuan manantikan
Palimo gaga	:	Manolah kalian kaduonyo, mandanga rundingan dari kalian, sajuak rasonyo hati, sanang dalam pamikiran. Buliah nak ilang rusuah dalam hati Saba kito mananti …
Ciak Menan	:	Den sangko hari handak ka patang Kironyo hari lah sanjo rayo Den sangko palimo ndak ka datang Kironyo lai datang juo
Palimo gaga	:	Mandaki jalan ka sirukam Handak ka pai ka sungai lasi Di Saok laweh mambali sapu tangan Lah dari tadi den nantikan Raso hanguih dalam hati Paneh kareh nan den tahankan Anak urang manggumpa banang Banang di gumpa dilepek lipek Kok dirantang  namuahnyo panjang Nak dipunta buliah nyo singkek Kito bukak lapiak pamainan Kini juo kito bamain
Ciak menan		Kok baitu kato palimo Nak den bukak lapiak pamainan Kini juo kito bamain Buliah nak tahu jantan batinonyo Ciak Menan, Palimo Gaga , Galang Sapik , Tuak Leman Bermain Koa

2.   Bujang Baganto Basobok Jo Reno Nilam

Bj. Baganto	:	diak denai puti si reno nilam! Jarek samato palarai damam Agak kamari adiak tagak Ado rundiangan kadisampaikan
Reno Nilam	:	Ondeh tuan bj baganto tasirok darah didado tapacak paluah badan diri apo kasabab tuan datang kamari dek tuan tolong jalehkan
Bj. Baganto	:	Manolah nilam janyo denai, manko denai datang kamari, dek buruak untuang parasian, danga dek nilam karanonyo. Puyuah jo punai sadang tabang Mati di tembak kaduonyo Takicuah denai di galanggang Ayam sikua talinyo duo
Reno Nilam	:	Ondeh tuan bj baganto, usah tuan bakato baitu, jauah ta ibo hati nilam, usah manyindia caro itu, makasuik tuan denai maklumi Lapeh nan dari bukik tinggi Handak manjalang padang gaduik Sinan balabuah kapa tabang Kasiah tuan lah denai uji Bak cando ambun di ateh rumpuik Datang paneh bagansua hilang
Bj. Baganto	:	manaolah nilam gadih nan jombang, rupo nan elok ka pamenan, limpapeh rumah nan gadang, sumarak anjuang paranginan. Nyo bulan-bulan nan tarang Nyo bintang- bintang nan janiah Nyo nilam nilam nan sayang Nyo denai denai nan kasiah Nak duo pantun sairiang danga dek nilam sabuah lai Ayam kuriak rambayan tanduang  Ikua manjelo masuak padi Ambiak tampuruang bari makan Tujuah daerah dalam kampuang Nilam surang tapatan hati Nan lain buliah den haramkan.
Reno Nilam	:	Urang gaduik ka bukik tinggi Hari nan sadang pukuah duo Mambao baki jo karanjang Dari ujuang rambuik ka ujuang kaki Indak ado urang nan punyo Kasiah denai ka tuan surang
Bj. Baganto	:	Toko kumango di padang panjang Nan punyo urang payokumbuah Urang mambali tiok hari Kok nilam sabana sayang Tompangkan denai dalam sanggua Buliah di bao kama pai.
Reno Nilam	:	Padi sijirak-jirak jantan Padi sipuluik elok ka tampang Jikok itu tuan katokan Jo bulu mato tuan den baduang
Bj. Baganto	:	Manolah nilam janyo denai, mandanga kato bak kian, sanang rasonyo dalam hati, sajuak dalam pamikiran, hanyo sakarang iko kini, ado dek denai nan takana, dek nilam tolong simakkan buliah nak jaleh baritonyo, denai nan dapek kaba angin kaba nan datang dari jauah, bak raso nilam lah batunangan, jo rang kayo dalam nagari, nan banamo Palimo Gaga.
Reno Nilam	:	Ondeh tuan bujang baganto, usah tuan pancameh bana, urang pancameh mati hanyuik urang panggamang mati jatuah nan bak kian usah di sabuik janji den arek iman den taguah
Bj. Baganto		Kok iyo kaba nan bak itu, denai nan indak kamangalah, di badan denai nilam kan tau, basuo bana bak pantun urang diak, Rumah gadang di lubuak tirih Dulu rancak kini lah rabah Untung sapantun biduak tirih Pulau tampak pandayuang patah Tapi samantang baitu Kayu dagang di singkarak Tampek balinduang hujan jo paneh Ureknyo jelo bajelo Bulan sapantun buruang merak Kadiam disangkak ameh Janji kamurai kana juo
Reno Nilam	:	Ondeh tuan bujang baganto, iyo pulo bak pantun urang, walau barakik batang pisang walau upin jadikan sampan asah lai sampai ka subarang walau basambuang ombak jo galombang walau bacarai nyao jo badan cinto nilam ka tuan surang indak nan lain ka nilam kana
Bj.Baganto		Kalau baitu kato nilam, lah sanang bana dalam hati, lah sajuak dalam pamikiran, kini bak itu malah lai, samantaro hari balum tinggi, samantaro balum paneh bana, denai nak pai manyabik rumpuik, ambo bajalan hanyo lai.
Reno Nilam		Jikok baitu kato tuan, denai lapeh jo hati sanang, bajalan kito hanyo lai

3.   Palimo Gaga Mendengar Percakapan Reno Nilam Jo Bujang Baganto Ditapian Tampek Manyasah

Palimo Gaga	:	Diak kanduang sirano nilam, lah payah denai dek mancari, hilia kampuang mudiak kampuang, bukik tinggi lah denai daki, lurah nan dalam lah denai turuni. Nak pincuran urang tabik Nak ulam pucuak manjulai Disiko mah nilam kironyo
Reno Nilam		Ondeh tuan palimo gaga, tasirok darah di dado, tapacak paluah di kaniang, apokok sabab jo karanonyo, mangkok tuan datang kamari Kok di caliak-caliak bana Bak tuanku lareh pulang kumisi Kok di liek-liek bana Alangkah malu badan diri Sabab baitu kato nilam Nilam nan sorang padusi di siko.
Palimo Gaga		Adiak kanduang si reno nilam, usah adiak baduto juo, angin indak garisiak indak, disiko bak bunyi urang barundiang, dimanyo urang surang lai.
Reno Nilam		Ondeh tuan palimo gaga, usah tuan tuduah mancaco, nilam surang nan sajak tadi, indak ado kawan sarato taman, indak kok tuan salah danga, balam jo punai basautan.
Palimo Gaga		Diak kanduang balahan diri, jarek samato badan denai, limpapeh rumah nan gadang, sumarak anjuang paranginan, pamenan mato patang jo pagi, Bukan kinari kinari sajo nilam Kinari anak urang padang Bukan kamari kamari sajo nilam Gadang mukasuik ka denai jalang Nak duo pantun sairiang danga dek nilam sabuah lai Singkarak batuang rang tarah Ditarah ateh tapi daun, buruang lah tampak ka denai gatah Jinak alah ka tangan balum
Reno Nilam		Dikarek batuang rang tarah Ditareh ateh tapi daun Jikok buruang ka tuan gatah Buruang lah ado urang nan punyo.
Palimo Gaga		Diak kanduang si reno nilam Nak urang koto malanca Nan barumah dipariaman Kandak den palimo gaga Pantang di ambek ditagahkan
Reno Nilam		Ondeh tuan panglimo gaga, heran denai bukan ka palang, manga tuan bangih bana, sirawik tajam sabalah, talang di rimbo rang landuangkan, didahan buruang kanai gatah, manga kok tuan manangguangkan.
Palimo Gaga		Diak kanduang sireno nilam, indak kok adiak dapek kaba, iyo di bulan dahulu, nilam alah denai pinang, ka mamak nilam ka pancukupanan tunku tigo sajarangan, dibulan datang kabaraleknyo Sungguah samantang baitu, danga dek nilam denai katokan, diak kanduang si reno nilam Urang mamikek udang lalu, Kanai kapitiang jo sirangkak, Urang mamikek jo balam mau Denai mamikek jo ameh perak
Reno Nilam		ondeh tuan palimo gagah, yo pulo bak pantun urang Anak urang tanjuang barulak Barulak barulai pulo Tuan mamikek jo ameh perak Balam nak iyo jo suaso
Palimo Gaga		Diak kanduang si reno nilam, usah disingguang karuntuang miang, indak kok nilam dapek kaba, iyo di bulan dahulu, bahaso nilam alah denai pinang, ka mamak nilam ka pancukupan, tungku tigo sajarangan, dibulan datang ka baraleknyo Denai indak namuah kanai bak nanko, denai bari kaba ka mamak nilam, tangguang rasiko dek nilam surang Anak bincacak bincacau Anak singiang ngiang rimbo anak bingkatak kambiang hutan Denai bari kaba mamak si nilam, tangguang rasiko dek nilam surang, denai bajalan hanyo lai.

Palimo gaga mengadu kepado mamak si nilam, hati sakit, seorang panglimo gaga rang kaya, orang bagak dalam nagari, dihariaknyo mamak si nilam, diceritakan si nilam mancaci diri Palimo gaga, lalu menemui Reno Nilam.

4.   Mamak Pergi Ketempat Nilam Setelah Palimo Gaga Mengadu Kepada Mamakreno Nilam

Ciak Menan		Nilam … !  o…. Nilam ? Nilam … !  o…. Nilam ? Nilam … !  o…. Nilam ?
		Yo sia tu….. ?
Ciak Menan		Mamak …..
Reno Nilam		ooo …. mamak, masuak lah mak ! Manolah ciak menan mamak denai, tasirok darah di dado, tapacak paluah badan diri, apokok  kaba jo barito, makonyo mamak datang kamari
Ciak Menan		Kamanakan denai si Reno Nilam, litak katampek mintak nasi, awih katampek mintak aia Mangkoknyo mamak datang kamari, mamak mandapek kato sadiah, kato di bao angin lalu, antah iyo antah indak, panglimo gagah datang kamamak, utang dek mamak manyampaikan.
Reno Nilam		Ondeh mamak janyo denai, tampek baiyo jo batido, tampek mangadu siang jo pagi, tantangan kato mamak nan tun, indak ado salah jo saseknyo, itulah kato nan sabananyo. Danga dek mamak nilam katokan Waktu nilam di tapian sadang manyasah kain jo baju tibo panglimo gaga maso itu inyo nan datang berang-berang dikatokan bahasonyo nilam alah batunangan jo tuan Palimo Gaga”
Ciak Menan		Reno nilam janyo mamak, katantangan di diri palimo gaga, lah sipeknyo kacaro itu, indaknyo pandai basilunak, indak pandai basilambuik, tapi Palimo Gaga hatinyo elok, mamak lah tau salamoko
Reno Nilam		Ondeh mamak janyo nilam, tapi samantan pun baitu indak patuik inyo bakato sarupo tu sabab denai ko anak gadih .
Ciak Menan		Reno nilam janyo mamak, usah itu kito rantang, jikok di rantang namuah nyo panjang, elok di puta naknyo singkek, kito ambiak sajo nan paralu, danga dek nilam mamak katokan, iyo dipakan nan daulu palimo gaga datang ka rumah mamak inyo mintak di patunangkan jo kamanakan mamak reno nilam baa pikiran hati nilam ???
Reno Nilam		Ondeh mamak janyo nilam, jikok tuan Palimo gaga denai tak suko samiang juo, urang lingkareh dalam nagari ,urang mamakan masak matah, urang barajo di hati, bajutan di mato urang, indak den takuik dek bagak urang, indak den harok di kayo urang, indak den suko saketek juo.
Ciak Menan		Reno nilam janyo mamak, danga dek nilam mamak katokan, usah maino ino urang usah mancaci caci urang, dek nilam cubo pikiakan,  mamak bautang sapanjang tahun, utang sapacik ka saganggam utang sameh 50 tail, kok indak nilam mamak runggukan jo apo utang ka mamak bayia, itu di mamak nan marusuah
Reno Nilam		Ondeh mamak janyo nilam ,urang nan arih bijaksano, utang mamak bayia dek mamak, utang nilam, nilam nan punyo.
Ciak Menan		Reno nilam janyo mamak, usah muluik talompek lompek, usah kato tadorong dorong, lawik sati rantau batuah, urang dunia banyak karamek, kok indak namuah manuruik parentah, usah bamamak juo ka diri denai, carilah mamak ka urang lain. Kamanakan cilako indak mambaleh guno. Mamak bajalan hanyo lai

5.      Reno Nilam Mancari Bujang Baganto

Reno Nilam	:	Ondeh tuan bujang baganto, lah panek nilam dek mancari, masuak kampuang kalua kampuang, masuak parak kalua parak tampaklah tuan sadang manyabik, sanang lah rasonyo dalam hati.
Bj. Baganto		Manolah nilam adiak nyo denai, tasirok darah di dado tapacak paluah di badan diri, apokok karanonyo nilam datang kamari
Reno Nilam		Ondeh tuan bujang baganto, tampek mangadu siang jo pagi, mangkonyo nilam datang kamari buruak untuang di badan diri.
Bj. Baganto		Manolah nilam janyo denai, apokok garangan nan tajadi, dek nilam sampaikan bakeh denai, buliah nak sanang dalam hati.
Reno Nilam		Kalau indak ado barando, indak tampuo basarang randah iyo malang nasib denai nangko, katabang sanyok bagatah.
Bj. Baganto		Usah nilam ba andai juo, ragu denai mamikiakan sampaikan sajo baritonyo, buliah nak sanang paratian.
Reno Nilam		Jikok baitu kato tuan, bialakan nilam jalehkan bana, apo sabana kajadian, pihak di hari nan kapatang, mamak mananti ateh rumah, lalu barundiang maso itu, mamak mangatokan bakeh nilam, bahaso nilam alah batunangan jo tuan palimo gaga.
Bj. Baganto		Ha,,,ha,,, mano nilam janyo denai ,,, kok iyo itu nan tajadi kabaa pulo janyo denai iko basuo bak pantun urang. Kasariak mambali dadiah Katalang mambaok jamba Iyo sarik baayam putiah Kok tau sikok alah manyamba
Reno Nilam	:	Tapi samantan pun baitu, tantang kato mamak itu, nilam tuialak mantah mantah nilam katokan bahaso nilam alah batunagan, iyo jo badan diri tuan, tapi mamak katiko itu inyo berang indak kapalang, mahariak mahantam lantai, sampai kalua kato kato, bahaso mamak indaka ka ba kamanakan bakeh nilam.
Bj. Baganto		Puyuah nak urang koto nopan baok bapikek malah daolu ,guruah kok indak jadi hujan bumi jo langik dapek malu.
Reno Nilam	:	padi sipuluik elok katapai, di bao urang ka pitalah, cinto ka tuan kok indak sampai, bialah mati bakalang tanah.
Bj. Baganto	:	Manolah nilam janyo denai, jikok baitu kato nilam lah sanang bana dalam hati, sajuak dalam pamikiran,putiah kapeh lah dapek di liek, putiah hati kaba radaan, kini baitu malah lai, kapalang basah bialah mandi, mandi di lereng bukik putuih, mandi bagusuak daun pandan, eloklah kito samo pai, etan karanah rangkiang luluih ,di sinan kasiah kito sampaikan.
Reno Nilam	:	Ondeh tuan bujang baganto, iyo pulo bak pantun urang Pado mananam lobak lambau Elok lah sawi di tugakan Pado mananam hati risau, Elok nagari ditinggakan Kini juo kito bajalan Disitu hatinyo mangko sanang Kito bajalan hanyo lai

6.      Palimo Gaga Maimbau Dubalang Nan Baduo Untuk Mencari Bujang Baganto Membawa Sireno Nilam

Palimo Gaga		:	Mano tuan leman jo galang sapik, agak kamari kalian tagak, kito barundiang sakutiko. gadang niatan dalam hati, sarato mukasuik nan sangajo.
G. Sapik			Tuan kanduang Palimo gaga, apokok salah badan kami mangkok kami tuan panggia dek tuan tolong tarangkan nak sanang dalam hati nak sajuak dalam pamikiran, pulang maklum ka bakeh tuan.
Palimo Gaga			Mano tuak leman jo galang sapik indak kok datuak dapek kaba denai mandapek kaba dari urang kampuang si bujang baganto inyolah lari lari nan indak surang sajo inyo mambaok si reno nilam pikia dek datuak tanntang itu sungguah malunyo badan diri.
G. Sapik			Kok baitu kato tuan, jatuahkanlah perintah ateh kami, jalehkan karajo kakami kakok, pulang mak alum bakeh tuan.
Palimo Gaga			Usah kalian balalai juo sadiokan sagalo alek-alek padang janawi janlah lupo Pusako Niniak Dahulunyo alah kasanang hati kalian.
G. Sapik			Tuan kanduang palimo gaga, kalau baitu kato tuan, kami kumpuakan sagalo sanjato,sarato karih kelok sambilan, karih nan dari niniak. Alah kasanang hati tuan.
Palimo Gaga			Mano datuak nan baduo, usah datuak balalai-lalai juo, samintaro matohari alun tinggi, samintaro paneh balum garang, elok kito ansua pajalanan, nan menuju rangkiang luluih.
G. Sapik			Kalau baitu kato tuan, bajalan lah tuan nan dak ulu, kami mairiangkan dari balakang ,,,
Palimo Gaga			Mano tuak leman jo galang sapik, caliak suok nan jo kida, kok lalu bujang baganto, capek imbau ambo.
G. Sapik			Kok baitu kato tuan sanang rasonyo dalam hati pihak kadiri badan denai, Dilakuak lurah inu indak ado ulek nan manggata indak ado tadung nan biso indak ado urang nan bagak salain kito nan batigo alah kasanang hati tuan.
Palimo Gaga			Usah kalian carito juo cubolah caliak bujang baganto mungkin inyo sadang di jalan.
Tuak leman			Kok baitu kato tuan sugiro kami manyongsong tuan disiko bia denai situ tapi samantang pun baitu caliak juo kami dek tuan kami sonsong bana bujang baganto alah kasanang hati tuan
Palimo Gaga Membagi Tempat Untuak Mengintai Bujang Baganto
Tuak Leman			Pik ? ang cari disitu den disiko pai lah ang lai ….
G. Sapik			Yo ….. (Tuak leman dan G. sapik mencari bujang baganto, ternyata salah sasaran yang tertangkap tuak leman )
Tuak Leman			Ko  nyo tuan …. Dapek bj. Baganto tuan
G. Sapik			Ko ambo leman … Galang sapik ….
Tuak Leman			Ang pik ? Kecek den baganto tadi … A tu nyo tuak leman bj baganto Anok se lah ,,, Manolah waang bujang baganto, hari kamih pasa sirukam, anak sikola pulang baduo, hari kan sadang tangah hari, alah jaleh panglimo gaga jo si reno nilam, dek bujang baganto babaok juo, indak takuik badan kamati !!!
Bj. Baganto			Mano pandeka nan baduo alek dimano nan bapakai limbago mano nan dituang apokok salah badan denai mako dirimbo denai dihadang.
G. Sapik		:	Manolah waang bujang baganto, indak kok ang mandanga sajak tadi, alah jaleh nilam jo palimo gaga dek bujang baganto babao juo, indak katakuik badan ka mati, eloklah bujang babaliak pulang, ha,ha,ha,ha,ha,
Bj. Baganto			Kurang aja kalian, pancarinek di dalam aia babungo magko babuah elok-elok kalian balaia lauik sati rantau batuah urang dunia banyak kiramat.
Tuak Leman			Apo katenggang biduak pincalang angin barambuih tiang lah patah dima katampek tapi pantai apo ka tenggang tupai janiang hitam hanguih rimbo rang rambah kamano badan manggapai lai, jikok busuak badan nan buruak. Ha,,, ha,,, ha,,,
Bj. Baganto.			Mano kalian nan baduo, usah kalian banyak carito juo, induak-induak awak kato urang, kok lai bapisak galembong kalian, bukaklah langkah dari sinan, nak denai iriangkan dari siko,ha ,ha ,ha ,ha
G. Sapik			Manolah wa’ang bujang baganto, usah waang cancang kaladi, pandan di hulu laduangkan, usah wa’ang bakato duo kali maramang bulu kuduak mandangakan, eloklah bujang babaliak pulang, tinggakan sinilam dsiko, baitu hati kami mangko sanang itu dek kami nan kasanang, alah kajaleh di bujang baganto.
Bj. Baganto			Mano tuak leman jo galang sapik anak buah palimo gaga, kalau iyo nilam denai tinggakan, langkahi dulu bangkai denai, baru nilam kalian bao.
G. Sapik		:	Manolah wa’ang bujang baganto, kareh pulo kapalo wa’ang, nak marauang-rauang rang gaek wa’ang kamari, kok bacarai nyawo jo badan, itu dek kami nan kasanang, eloklah wa’ang babaliak pulang.
Bj. Baganto			Mano rang mudo janyo hambo,mandaki jalan kasirukam, manurun jalan tantang rimbo tabek, dagang di laia lai tak karam, konon kok balaia dalam tabek.
G. Sapik			Manolah wa’ang bujang baganto muluik wa’ang kalua sangek kasa kami kaluko indak wa’ang kana kini baitulah malah dek bujang baganto mari kito cubo agak sabanta sambia mambuang-buang langkah sambia mangaluaan paluah buruak eraklah langkah dari sinan nak kmai nanti dari siko Hep … Hep … Tolong leman …. Bagak kironyo man … Ampun …. Ampuun …..
7.      Bj. Baganto jo Galang Sapik, Tuak Leman Bacakak di Sipak Dari Balakang Bujang Baganto
Palimo Gaga			Kurang aja waang bujang baganto… Manolah waang bujang baganto Pandai bana waang mambuang langkah Sia guru nan maaja dimano urang nan manunjuak an bia jo denai batantangan nak jaleh jantan jobatinonyo
Bj. Baganto			Mano lah tuan palimo gaga Sajak ketek denai lah tahu Tuan nan gadang dinagari Tuan juaro ditangah galanggang Tapi samantanpun baitu Kok kayo kayo diharato rampasan Kok gapuan maungguak lamak Wak gaek taruang asam Lah gaek salero tajam
Palimo Gaga			Manolah waang bujang baganto Alum tahu ang jo diri denai Aden nan bagala panglimo gaga Urang bagak ditangah koto Nan juaro tangah galanggang Indak paja ketek nan gadang sarawa Kandak den pangtang indak balaku Hitam kecek den hitam Putiah kecek den putiah Nak tantu jantan jo batinonyo Hep … (Panglimo menjerit kesakitan karena terkunci oleh Bujang baganto) Pandai bana waang mambuang langkah … Ang rasoan tangan den (Panglimo mengeluarkan padang janawi)
Akhirnya Bujang Baganto Dibunuh Oleh Palimo Gaga Dan Anak Buahnya Tuak Leman jo Galang Sapik Reno Nilam Bunuh Diri Dengan Pisau Yang Ditusukkan Kepada Bujang Baganto oleh Anak Buah Palimo Gaga
Reno Nilam	:		(Bj. Baganto Sekarat) Tuan…. Tuan …. Tuan ….. Jan tinggakan denai tuan ….. Kama badan ka manadu tuan … Denai indak nio palimo gaga tuan …. Jarajak dibukik taban Simantuang dibukik tinggi Tampek bapijak nan alah taban Kamano badan manggapai lai Tuan …. Tuan …. (Bj. Baganto mati) Tuan …. Tuan …. Mati tuan mati basabek Mati tuan karano denai Indak nilam malawan mamak Indak nilam manantang mamak Cinto nilam ka bj baganto Indak palimo gaga (Reno Nilam ma ambiak pisau yg tertusuk di perut Bj. Baganto) Pado rumpik elok lah padi Pado hiduik elok lah mati Surang tuan mati Baduo jo diri denai ….

CARITO RANDAI

PALIMO GAGA JO SIRENO  NILAM

 

Oleh:

Sanggar Mudo Barapi Kota Solok

KESENIAN TRADISIONAL MINANGKABAU

“SANGGAR MUDO BARAPI”

Kota solok

Pemeran

1.      PANGLIMO GAGA

2.      BUJANG BAGANTO

3.      RENO NILAM

4.      CIAK MENAN

5.      GALANG SAPIK

6.      TUAK LEMAN

SINOPSIS

Cerita Ini Mengisahkan Tentang Perjodohan Antara Panglimo Gaga Dan Sireno Nilam, Reno Nilam Adalah Seorang Anak Yatim Piatu Yang Tinggal Bersama Mamaknya Ciak Menan, Lantaran Karna Sang Mamak Memiliki Hutang Kepada Panglimo Gaga karena kalah judi, Sehingga Mamak Berniat Memebayar Hutang Tersebut Dengan Menjodohkan Reno Nilam Dengan Panglimo Gaga, Tetapi Reno Nilam Menolak Kemauan Mamaknya.

PERMULAAN

Randai masuk di iring dengan calempong

1.      DAYANGDAINI

Mano Sagalo Niniak jo Mamak

Sarato sanak Jo Sudaro2x

Rila jo Maaf nan kami mintak

Randai dimulai langkah di angkek2x

2.      SIMARANTANG RANDAH

Nan di bukak  curito lamo

Palimo gaga jo reno nilam 2x

Di imbau dubalang nan baduo

Langkok jo diri aciak menan

Mangko bukak lapiak pamainan

3.      SIMARANTANG TINGGI

Iyo ……

Jikok ado jarum nan patah

Usah disimpan dalam peti

Buang kan sajo ka pumatang

Jikok ado kato nan salah

Usah disimpan dalam hati

Buangkan sajo ka bulakang sanak o……… oi

Iyo……..

Rancak nagari dek panghulu

Jalan undang undang dek dubalang

Randai sagitu malah dulu

Talempong mairiang dibalakang

SEKAPUR SIRIH

Assalamualaikum pamulo pambukak kato
Bismillah kato dimulai

Salam jo sambah disampaikan

Bagai awa pamulai kato

Sipatan rundiang  pandahuluan

Salam taunjuak sanak sudaro

Iyo kaganti bajawek tangan

Kami nak randai Mudo Barapi

Nan talatak Ditanah Garam

Dalam daerah Kota Solok

Banda urang kami bandakan

Banda nak lalu kamuaro

Kaba urang kami kabakan

Kalau baduto kami tak sato

Nan takaba Palimo Gaga

Duo jo diri Sireno Nilam

Jikok ado namo nan samo

Rila jo maaf kami dimintak

Maklumlah kami nak randai

Umua nan balum satampuak pinang

Darah nan balum satahun jaguang

Aka balum pangalaman kurang

Gadang badan gadang dek lueh

Tolong dek sanak samparonokan

Buliah nak samo ka nan elok

Randai bamulai bacurito

Tanang dunsanak mandangakan 

CERITA RANDAI PALIMO GAGA DAN SIRENO NILAM

1.   Palimo Gaga Maimbau Dubalang Nan Baduo

Palimo gaga	:	Mano lah tuak leman jo galang sapik??? Kamano pulo kolah paja ko malala …. Tadi pagi bajanji disiko ka main koa jo Ciak menan ??? Lah jam sagiko tapi alum juo tibo sampai kini alum juo manjungua puncak iduang eee paja tu… Anak mudo nan ka maacuakan zaman Kok mangecek baduto-duto Kok janji mungkia-mungkia Kok dipicayo kianek Kok tibo talambek lambek Kok datang manyuruak-nyuruak Tua leman ??? Galang sapik ???
Tuak Leman dan G.Sapik		G sapik : Man ? T lman  : apo pik G sapik : palimo lah manunggu man ? T lman  : tub a pik G sapik : anok se lah dulu T lman  : wak kajuikan nyo pik ? G sapik : jadih man T lman  : wak ang sabalah situ den sabalah siko G sapik : kok mati se tuan tu wak kajuk an  ba man ??? T lman  : rancak lah lai Wak ang ambiak bini e den ambiak anak. G. sapik : Tu ndak masuak man …binie lah gaek G sapik : aaaaaaaaaaaaaaaa ? p. gaga  : hep . hep . hep. Kama kalian …. T lman  : ampuuuun tuannn …. Ampun ….
Galang Sapik	:	Ampunkan kami tuan panglimo, ampun baribu kali ampun, kami takuakan kapalo nan satu, kami unjuakan lutuaik nan duo, mamintak ampun bakeh tuan Tuan tutuah batang sibaransi Baro rang ambiak kakilangan Tuan bunuah kami ka mati Tuan juo nan kahilangan Ampunkan denai tuan palimo Bukannyo denai talambek disangajo Banyak rintangan nan dihadang Tantangan ka diri ciak menan Inyo katibo sabanta lai Sabalah tuan manantikan
Palimo gaga	:	Manolah kalian kaduonyo, mandanga rundingan dari kalian, sajuak rasonyo hati, sanang dalam pamikiran. Buliah nak ilang rusuah dalam hati Saba kito mananti …
Ciak Menan	:	Den sangko hari handak ka patang Kironyo hari lah sanjo rayo Den sangko palimo ndak ka datang Kironyo lai datang juo
Palimo gaga	:	Mandaki jalan ka sirukam Handak ka pai ka sungai lasi Di Saok laweh mambali sapu tangan Lah dari tadi den nantikan Raso hanguih dalam hati Paneh kareh nan den tahankan Anak urang manggumpa banang Banang di gumpa dilepek lipek Kok dirantang  namuahnyo panjang Nak dipunta buliah nyo singkek Kito bukak lapiak pamainan Kini juo kito bamain
Ciak menan		Kok baitu kato palimo Nak den bukak lapiak pamainan Kini juo kito bamain Buliah nak tahu jantan batinonyo Ciak Menan, Palimo Gaga , Galang Sapik , Tuak Leman Bermain Koa

2.   Bujang Baganto Basobok Jo Reno Nilam

Bj. Baganto	:	diak denai puti si reno nilam! Jarek samato palarai damam Agak kamari adiak tagak Ado rundiangan kadisampaikan
Reno Nilam	:	Ondeh tuan bj baganto tasirok darah didado tapacak paluah badan diri apo kasabab tuan datang kamari dek tuan tolong jalehkan
Bj. Baganto	:	Manolah nilam janyo denai, manko denai datang kamari, dek buruak untuang parasian, danga dek nilam karanonyo. Puyuah jo punai sadang tabang Mati di tembak kaduonyo Takicuah denai di galanggang Ayam sikua talinyo duo
Reno Nilam	:	Ondeh tuan bj baganto, usah tuan bakato baitu, jauah ta ibo hati nilam, usah manyindia caro itu, makasuik tuan denai maklumi Lapeh nan dari bukik tinggi Handak manjalang padang gaduik Sinan balabuah kapa tabang Kasiah tuan lah denai uji Bak cando ambun di ateh rumpuik Datang paneh bagansua hilang
Bj. Baganto	:	manaolah nilam gadih nan jombang, rupo nan elok ka pamenan, limpapeh rumah nan gadang, sumarak anjuang paranginan. Nyo bulan-bulan nan tarang Nyo bintang- bintang nan janiah Nyo nilam nilam nan sayang Nyo denai denai nan kasiah Nak duo pantun sairiang danga dek nilam sabuah lai Ayam kuriak rambayan tanduang  Ikua manjelo masuak padi Ambiak tampuruang bari makan Tujuah daerah dalam kampuang Nilam surang tapatan hati Nan lain buliah den haramkan.
Reno Nilam	:	Urang gaduik ka bukik tinggi Hari nan sadang pukuah duo Mambao baki jo karanjang Dari ujuang rambuik ka ujuang kaki Indak ado urang nan punyo Kasiah denai ka tuan surang
Bj. Baganto	:	Toko kumango di padang panjang Nan punyo urang payokumbuah Urang mambali tiok hari Kok nilam sabana sayang Tompangkan denai dalam sanggua Buliah di bao kama pai.
Reno Nilam	:	Padi sijirak-jirak jantan Padi sipuluik elok ka tampang Jikok itu tuan katokan Jo bulu mato tuan den baduang
Bj. Baganto	:	Manolah nilam janyo denai, mandanga kato bak kian, sanang rasonyo dalam hati, sajuak dalam pamikiran, hanyo sakarang iko kini, ado dek denai nan takana, dek nilam tolong simakkan buliah nak jaleh baritonyo, denai nan dapek kaba angin kaba nan datang dari jauah, bak raso nilam lah batunangan, jo rang kayo dalam nagari, nan banamo Palimo Gaga.
Reno Nilam	:	Ondeh tuan bujang baganto, usah tuan pancameh bana, urang pancameh mati hanyuik urang panggamang mati jatuah nan bak kian usah di sabuik janji den arek iman den taguah
Bj. Baganto		Kok iyo kaba nan bak itu, denai nan indak kamangalah, di badan denai nilam kan tau, basuo bana bak pantun urang diak, Rumah gadang di lubuak tirih Dulu rancak kini lah rabah Untung sapantun biduak tirih Pulau tampak pandayuang patah Tapi samantang baitu Kayu dagang di singkarak Tampek balinduang hujan jo paneh Ureknyo jelo bajelo Bulan sapantun buruang merak Kadiam disangkak ameh Janji kamurai kana juo
Reno Nilam	:	Ondeh tuan bujang baganto, iyo pulo bak pantun urang, walau barakik batang pisang walau upin jadikan sampan asah lai sampai ka subarang walau basambuang ombak jo galombang walau bacarai nyao jo badan cinto nilam ka tuan surang indak nan lain ka nilam kana
Bj.Baganto		Kalau baitu kato nilam, lah sanang bana dalam hati, lah sajuak dalam pamikiran, kini bak itu malah lai, samantaro hari balum tinggi, samantaro balum paneh bana, denai nak pai manyabik rumpuik, ambo bajalan hanyo lai.
Reno Nilam		Jikok baitu kato tuan, denai lapeh jo hati sanang, bajalan kito hanyo lai

3.   Palimo Gaga Mendengar Percakapan Reno Nilam Jo Bujang Baganto Ditapian Tampek Manyasah

Palimo Gaga	:	Diak kanduang sirano nilam, lah payah denai dek mancari, hilia kampuang mudiak kampuang, bukik tinggi lah denai daki, lurah nan dalam lah denai turuni. Nak pincuran urang tabik Nak ulam pucuak manjulai Disiko mah nilam kironyo
Reno Nilam		Ondeh tuan palimo gaga, tasirok darah di dado, tapacak paluah di kaniang, apokok sabab jo karanonyo, mangkok tuan datang kamari Kok di caliak-caliak bana Bak tuanku lareh pulang kumisi Kok di liek-liek bana Alangkah malu badan diri Sabab baitu kato nilam Nilam nan sorang padusi di siko.
Palimo Gaga		Adiak kanduang si reno nilam, usah adiak baduto juo, angin indak garisiak indak, disiko bak bunyi urang barundiang, dimanyo urang surang lai.
Reno Nilam		Ondeh tuan palimo gaga, usah tuan tuduah mancaco, nilam surang nan sajak tadi, indak ado kawan sarato taman, indak kok tuan salah danga, balam jo punai basautan.
Palimo Gaga		Diak kanduang balahan diri, jarek samato badan denai, limpapeh rumah nan gadang, sumarak anjuang paranginan, pamenan mato patang jo pagi, Bukan kinari kinari sajo nilam Kinari anak urang padang Bukan kamari kamari sajo nilam Gadang mukasuik ka denai jalang Nak duo pantun sairiang danga dek nilam sabuah lai Singkarak batuang rang tarah Ditarah ateh tapi daun, buruang lah tampak ka denai gatah Jinak alah ka tangan balum
Reno Nilam		Dikarek batuang rang tarah Ditareh ateh tapi daun Jikok buruang ka tuan gatah Buruang lah ado urang nan punyo.
Palimo Gaga		Diak kanduang si reno nilam Nak urang koto malanca Nan barumah dipariaman Kandak den palimo gaga Pantang di ambek ditagahkan
Reno Nilam		Ondeh tuan panglimo gaga, heran denai bukan ka palang, manga tuan bangih bana, sirawik tajam sabalah, talang di rimbo rang landuangkan, didahan buruang kanai gatah, manga kok tuan manangguangkan.
Palimo Gaga		Diak kanduang sireno nilam, indak kok adiak dapek kaba, iyo di bulan dahulu, nilam alah denai pinang, ka mamak nilam ka pancukupanan tunku tigo sajarangan, dibulan datang kabaraleknyo Sungguah samantang baitu, danga dek nilam denai katokan, diak kanduang si reno nilam Urang mamikek udang lalu, Kanai kapitiang jo sirangkak, Urang mamikek jo balam mau Denai mamikek jo ameh perak
Reno Nilam		ondeh tuan palimo gagah, yo pulo bak pantun urang Anak urang tanjuang barulak Barulak barulai pulo Tuan mamikek jo ameh perak Balam nak iyo jo suaso
Palimo Gaga		Diak kanduang si reno nilam, usah disingguang karuntuang miang, indak kok nilam dapek kaba, iyo di bulan dahulu, bahaso nilam alah denai pinang, ka mamak nilam ka pancukupan, tungku tigo sajarangan, dibulan datang ka baraleknyo Denai indak namuah kanai bak nanko, denai bari kaba ka mamak nilam, tangguang rasiko dek nilam surang Anak bincacak bincacau Anak singiang ngiang rimbo anak bingkatak kambiang hutan Denai bari kaba mamak si nilam, tangguang rasiko dek nilam surang, denai bajalan hanyo lai.

Palimo gaga mengadu kepado mamak si nilam, hati sakit, seorang panglimo gaga rang kaya, orang bagak dalam nagari, dihariaknyo mamak si nilam, diceritakan si nilam mancaci diri Palimo gaga, lalu menemui Reno Nilam.

4.   Mamak Pergi Ketempat Nilam Setelah Palimo Gaga Mengadu Kepada Mamakreno Nilam

Ciak Menan		Nilam … !  o…. Nilam ? Nilam … !  o…. Nilam ? Nilam … !  o…. Nilam ?
		Yo sia tu….. ?
Ciak Menan		Mamak …..
Reno Nilam		ooo …. mamak, masuak lah mak ! Manolah ciak menan mamak denai, tasirok darah di dado, tapacak paluah badan diri, apokok  kaba jo barito, makonyo mamak datang kamari
Ciak Menan		Kamanakan denai si Reno Nilam, litak katampek mintak nasi, awih katampek mintak aia Mangkoknyo mamak datang kamari, mamak mandapek kato sadiah, kato di bao angin lalu, antah iyo antah indak, panglimo gagah datang kamamak, utang dek mamak manyampaikan.
Reno Nilam		Ondeh mamak janyo denai, tampek baiyo jo batido, tampek mangadu siang jo pagi, tantangan kato mamak nan tun, indak ado salah jo saseknyo, itulah kato nan sabananyo. Danga dek mamak nilam katokan Waktu nilam di tapian sadang manyasah kain jo baju tibo panglimo gaga maso itu inyo nan datang berang-berang dikatokan bahasonyo nilam alah batunangan jo tuan Palimo Gaga”
Ciak Menan		Reno nilam janyo mamak, katantangan di diri palimo gaga, lah sipeknyo kacaro itu, indaknyo pandai basilunak, indak pandai basilambuik, tapi Palimo Gaga hatinyo elok, mamak lah tau salamoko
Reno Nilam		Ondeh mamak janyo nilam, tapi samantan pun baitu indak patuik inyo bakato sarupo tu sabab denai ko anak gadih .
Ciak Menan		Reno nilam janyo mamak, usah itu kito rantang, jikok di rantang namuah nyo panjang, elok di puta naknyo singkek, kito ambiak sajo nan paralu, danga dek nilam mamak katokan, iyo dipakan nan daulu palimo gaga datang ka rumah mamak inyo mintak di patunangkan jo kamanakan mamak reno nilam baa pikiran hati nilam ???
Reno Nilam		Ondeh mamak janyo nilam, jikok tuan Palimo gaga denai tak suko samiang juo, urang lingkareh dalam nagari ,urang mamakan masak matah, urang barajo di hati, bajutan di mato urang, indak den takuik dek bagak urang, indak den harok di kayo urang, indak den suko saketek juo.
Ciak Menan		Reno nilam janyo mamak, danga dek nilam mamak katokan, usah maino ino urang usah mancaci caci urang, dek nilam cubo pikiakan,  mamak bautang sapanjang tahun, utang sapacik ka saganggam utang sameh 50 tail, kok indak nilam mamak runggukan jo apo utang ka mamak bayia, itu di mamak nan marusuah
Reno Nilam		Ondeh mamak janyo nilam ,urang nan arih bijaksano, utang mamak bayia dek mamak, utang nilam, nilam nan punyo.
Ciak Menan		Reno nilam janyo mamak, usah muluik talompek lompek, usah kato tadorong dorong, lawik sati rantau batuah, urang dunia banyak karamek, kok indak namuah manuruik parentah, usah bamamak juo ka diri denai, carilah mamak ka urang lain. Kamanakan cilako indak mambaleh guno. Mamak bajalan hanyo lai

5.      Reno Nilam Mancari Bujang Baganto

Reno Nilam	:	Ondeh tuan bujang baganto, lah panek nilam dek mancari, masuak kampuang kalua kampuang, masuak parak kalua parak tampaklah tuan sadang manyabik, sanang lah rasonyo dalam hati.
Bj. Baganto		Manolah nilam adiak nyo denai, tasirok darah di dado tapacak paluah di badan diri, apokok karanonyo nilam datang kamari
Reno Nilam		Ondeh tuan bujang baganto, tampek mangadu siang jo pagi, mangkonyo nilam datang kamari buruak untuang di badan diri.
Bj. Baganto		Manolah nilam janyo denai, apokok garangan nan tajadi, dek nilam sampaikan bakeh denai, buliah nak sanang dalam hati.
Reno Nilam		Kalau indak ado barando, indak tampuo basarang randah iyo malang nasib denai nangko, katabang sanyok bagatah.
Bj. Baganto		Usah nilam ba andai juo, ragu denai mamikiakan sampaikan sajo baritonyo, buliah nak sanang paratian.
Reno Nilam		Jikok baitu kato tuan, bialakan nilam jalehkan bana, apo sabana kajadian, pihak di hari nan kapatang, mamak mananti ateh rumah, lalu barundiang maso itu, mamak mangatokan bakeh nilam, bahaso nilam alah batunangan jo tuan palimo gaga.
Bj. Baganto		Ha,,,ha,,, mano nilam janyo denai ,,, kok iyo itu nan tajadi kabaa pulo janyo denai iko basuo bak pantun urang. Kasariak mambali dadiah Katalang mambaok jamba Iyo sarik baayam putiah Kok tau sikok alah manyamba
Reno Nilam	:	Tapi samantan pun baitu, tantang kato mamak itu, nilam tuialak mantah mantah nilam katokan bahaso nilam alah batunagan, iyo jo badan diri tuan, tapi mamak katiko itu inyo berang indak kapalang, mahariak mahantam lantai, sampai kalua kato kato, bahaso mamak indaka ka ba kamanakan bakeh nilam.
Bj. Baganto		Puyuah nak urang koto nopan baok bapikek malah daolu ,guruah kok indak jadi hujan bumi jo langik dapek malu.
Reno Nilam	:	padi sipuluik elok katapai, di bao urang ka pitalah, cinto ka tuan kok indak sampai, bialah mati bakalang tanah.
Bj. Baganto	:	Manolah nilam janyo denai, jikok baitu kato nilam lah sanang bana dalam hati, sajuak dalam pamikiran,putiah kapeh lah dapek di liek, putiah hati kaba radaan, kini baitu malah lai, kapalang basah bialah mandi, mandi di lereng bukik putuih, mandi bagusuak daun pandan, eloklah kito samo pai, etan karanah rangkiang luluih ,di sinan kasiah kito sampaikan.
Reno Nilam	:	Ondeh tuan bujang baganto, iyo pulo bak pantun urang Pado mananam lobak lambau Elok lah sawi di tugakan Pado mananam hati risau, Elok nagari ditinggakan Kini juo kito bajalan Disitu hatinyo mangko sanang Kito bajalan hanyo lai

6.      Palimo Gaga Maimbau Dubalang Nan Baduo Untuk Mencari Bujang Baganto Membawa Sireno Nilam

Palimo Gaga		:	Mano tuan leman jo galang sapik, agak kamari kalian tagak, kito barundiang sakutiko. gadang niatan dalam hati, sarato mukasuik nan sangajo.
G. Sapik			Tuan kanduang Palimo gaga, apokok salah badan kami mangkok kami tuan panggia dek tuan tolong tarangkan nak sanang dalam hati nak sajuak dalam pamikiran, pulang maklum ka bakeh tuan.
Palimo Gaga			Mano tuak leman jo galang sapik indak kok datuak dapek kaba denai mandapek kaba dari urang kampuang si bujang baganto inyolah lari lari nan indak surang sajo inyo mambaok si reno nilam pikia dek datuak tanntang itu sungguah malunyo badan diri.
G. Sapik			Kok baitu kato tuan, jatuahkanlah perintah ateh kami, jalehkan karajo kakami kakok, pulang mak alum bakeh tuan.
Palimo Gaga			Usah kalian balalai juo sadiokan sagalo alek-alek padang janawi janlah lupo Pusako Niniak Dahulunyo alah kasanang hati kalian.
G. Sapik			Tuan kanduang palimo gaga, kalau baitu kato tuan, kami kumpuakan sagalo sanjato,sarato karih kelok sambilan, karih nan dari niniak. Alah kasanang hati tuan.
Palimo Gaga			Mano datuak nan baduo, usah datuak balalai-lalai juo, samintaro matohari alun tinggi, samintaro paneh balum garang, elok kito ansua pajalanan, nan menuju rangkiang luluih.
G. Sapik			Kalau baitu kato tuan, bajalan lah tuan nan dak ulu, kami mairiangkan dari balakang ,,,
Palimo Gaga			Mano tuak leman jo galang sapik, caliak suok nan jo kida, kok lalu bujang baganto, capek imbau ambo.
G. Sapik			Kok baitu kato tuan sanang rasonyo dalam hati pihak kadiri badan denai, Dilakuak lurah inu indak ado ulek nan manggata indak ado tadung nan biso indak ado urang nan bagak salain kito nan batigo alah kasanang hati tuan.
Palimo Gaga			Usah kalian carito juo cubolah caliak bujang baganto mungkin inyo sadang di jalan.
Tuak leman			Kok baitu kato tuan sugiro kami manyongsong tuan disiko bia denai situ tapi samantang pun baitu caliak juo kami dek tuan kami sonsong bana bujang baganto alah kasanang hati tuan
Palimo Gaga Membagi Tempat Untuak Mengintai Bujang Baganto
Tuak Leman			Pik ? ang cari disitu den disiko pai lah ang lai ….
G. Sapik			Yo ….. (Tuak leman dan G. sapik mencari bujang baganto, ternyata salah sasaran yang tertangkap tuak leman )
Tuak Leman			Ko  nyo tuan …. Dapek bj. Baganto tuan
G. Sapik			Ko ambo leman … Galang sapik ….
Tuak Leman			Ang pik ? Kecek den baganto tadi … A tu nyo tuak leman bj baganto Anok se lah ,,, Manolah waang bujang baganto, hari kamih pasa sirukam, anak sikola pulang baduo, hari kan sadang tangah hari, alah jaleh panglimo gaga jo si reno nilam, dek bujang baganto babaok juo, indak takuik badan kamati !!!
Bj. Baganto			Mano pandeka nan baduo alek dimano nan bapakai limbago mano nan dituang apokok salah badan denai mako dirimbo denai dihadang.
G. Sapik		:	Manolah waang bujang baganto, indak kok ang mandanga sajak tadi, alah jaleh nilam jo palimo gaga dek bujang baganto babao juo, indak katakuik badan ka mati, eloklah bujang babaliak pulang, ha,ha,ha,ha,ha,
Bj. Baganto			Kurang aja kalian, pancarinek di dalam aia babungo magko babuah elok-elok kalian balaia lauik sati rantau batuah urang dunia banyak kiramat.
Tuak Leman			Apo katenggang biduak pincalang angin barambuih tiang lah patah dima katampek tapi pantai apo ka tenggang tupai janiang hitam hanguih rimbo rang rambah kamano badan manggapai lai, jikok busuak badan nan buruak. Ha,,, ha,,, ha,,,
Bj. Baganto.			Mano kalian nan baduo, usah kalian banyak carito juo, induak-induak awak kato urang, kok lai bapisak galembong kalian, bukaklah langkah dari sinan, nak denai iriangkan dari siko,ha ,ha ,ha ,ha
G. Sapik			Manolah wa’ang bujang baganto, usah waang cancang kaladi, pandan di hulu laduangkan, usah wa’ang bakato duo kali maramang bulu kuduak mandangakan, eloklah bujang babaliak pulang, tinggakan sinilam dsiko, baitu hati kami mangko sanang itu dek kami nan kasanang, alah kajaleh di bujang baganto.
Bj. Baganto			Mano tuak leman jo galang sapik anak buah palimo gaga, kalau iyo nilam denai tinggakan, langkahi dulu bangkai denai, baru nilam kalian bao.
G. Sapik		:	Manolah wa’ang bujang baganto, kareh pulo kapalo wa’ang, nak marauang-rauang rang gaek wa’ang kamari, kok bacarai nyawo jo badan, itu dek kami nan kasanang, eloklah wa’ang babaliak pulang.
Bj. Baganto			Mano rang mudo janyo hambo,mandaki jalan kasirukam, manurun jalan tantang rimbo tabek, dagang di laia lai tak karam, konon kok balaia dalam tabek.
G. Sapik			Manolah wa’ang bujang baganto muluik wa’ang kalua sangek kasa kami kaluko indak wa’ang kana kini baitulah malah dek bujang baganto mari kito cubo agak sabanta sambia mambuang-buang langkah sambia mangaluaan paluah buruak eraklah langkah dari sinan nak kmai nanti dari siko Hep … Hep … Tolong leman …. Bagak kironyo man … Ampun …. Ampuun …..
7.      Bj. Baganto jo Galang Sapik, Tuak Leman Bacakak di Sipak Dari Balakang Bujang Baganto
Palimo Gaga			Kurang aja waang bujang baganto… Manolah waang bujang baganto Pandai bana waang mambuang langkah Sia guru nan maaja dimano urang nan manunjuak an bia jo denai batantangan nak jaleh jantan jobatinonyo
Bj. Baganto			Mano lah tuan palimo gaga Sajak ketek denai lah tahu Tuan nan gadang dinagari Tuan juaro ditangah galanggang Tapi samantanpun baitu Kok kayo kayo diharato rampasan Kok gapuan maungguak lamak Wak gaek taruang asam Lah gaek salero tajam
Palimo Gaga			Manolah waang bujang baganto Alum tahu ang jo diri denai Aden nan bagala panglimo gaga Urang bagak ditangah koto Nan juaro tangah galanggang Indak paja ketek nan gadang sarawa Kandak den pangtang indak balaku Hitam kecek den hitam Putiah kecek den putiah Nak tantu jantan jo batinonyo Hep … (Panglimo menjerit kesakitan karena terkunci oleh Bujang baganto) Pandai bana waang mambuang langkah … Ang rasoan tangan den (Panglimo mengeluarkan padang janawi)
Akhirnya Bujang Baganto Dibunuh Oleh Palimo Gaga Dan Anak Buahnya Tuak Leman jo Galang Sapik Reno Nilam Bunuh Diri Dengan Pisau Yang Ditusukkan Kepada Bujang Baganto oleh Anak Buah Palimo Gaga
Reno Nilam	:		(Bj. Baganto Sekarat) Tuan…. Tuan …. Tuan ….. Jan tinggakan denai tuan ….. Kama badan ka manadu tuan … Denai indak nio palimo gaga tuan …. Jarajak dibukik taban Simantuang dibukik tinggi Tampek bapijak nan alah taban Kamano badan manggapai lai Tuan …. Tuan …. (Bj. Baganto mati) Tuan …. Tuan …. Mati tuan mati basabek Mati tuan karano denai Indak nilam malawan mamak Indak nilam manantang mamak Cinto nilam ka bj baganto Indak palimo gaga (Reno Nilam ma ambiak pisau yg tertusuk di perut Bj. Baganto) Pado rumpik elok lah padi Pado hiduik elok lah mati Surang tuan mati Baduo jo diri denai ….