LIRIK LAGU LAGU MINANG

Palai Rinuak

Palai rinuak … samba Rang Maninjau
Lamak bana … iyo kok rasonyo
Bia tarumuak badan di rantau
Rinuak di kampuang takana juo …
Bia tarumuak badan di rantau
Rinuak di kampuang takana juo …
Din dari din dindin dara chacha, lamak rasonyo …
Din dari din dindin dara chacha, lamak rasonyo …
Palai rinuak … asamnyo durian
Badaha sala … hitam lah ruponyo
Bia tarumuak sansaro badan
Kampuang nan jauah takana juo …
Bia tarumuak sansaro badan
Kampuang nan jauah takana juo …
Din dari din dindin dara chacha, lamak rasonyo …
Din dari din dindin dara chacha, lamak rasonyo …
Ondeh … iyo … bana …

Indang Aia Bangih

Aia Bangih karang marusuak, karang marusuak – 2x
Urang Tiagan balayia malam – 2x
Hati bangih dapek dipujuak, dapek dipujuak – 2x
Sadu jo sadan ramuak di dalam – 2x
Lah balayia biduak Rang Masang, biduak Rang Masang – 2x
Sarek bamuek jo rotan sago – 2x
Tak ka sia tampek batenggang, tampek batenggang – 2x
Badan nan malang manyeso sajo – 2x
Mudiak biduak Urang Labuhan, Urang Labuhan – 2x
Mambaok dandang ka Aia Bangih – 2x
Kok dikana untuangnyo badan, untuangnyo badan – 2x
Siang jo malam babuah tangih – 2x

Urang Nan Mangilang

Angku Kapalo Mandiangin, mambaok kudo ka galanggang
Angku Kapalo Mandiangin, mambaok kudo ka galanggang
Jan harok jo colok kain, sakali cuci lah mangulang
Jan harok jo colok kain, sakali cuci lah mangulang
Reff:
Anak urang Padang, duduak di tembok tapi jalan
Usah harok jo buruang tabang, indak mungkin dijangkau tangan
Anak urang Padang, duduak di tembok tapi jalan
Usah harok jo buruang tabang, indak mungkin dijangkau tangan
Tarantang jalan nan ka Talu, urang bajalan hari patang
Tarantang jalan nan ka Talu, urang bajalan hari patang
Awak nan punyo tabu, tapi urang nan mangilang
Awak nan punyo tabu, tapi urang nan mangilang

Pikiran Kusuik

Tanah liek di tangah sawah
Batu jo sabuik, batu jo sabuik tolong tapikan
Tanah liek di tangah sawah
Batu jo sabuik, batu jo sabuik tolong tapikan
Liek dek tuan si jariang lawah
Baitu rusuah, baitu rusuah nan paratian
Liek dek tuan si jariang lawah
Baitu rusuah, baitu rusuah nan paratian
Pikiran kusuik hati paibo
Banang nan kusuik, banang nan kusuik lai salasai
Pikiran kusuik hati paibo
Banang nan kusuik, banang nan kusuik lai salasai
Kama lah badan nan ka dibao
Kusuik nan juo, kusuik nan juo mambao sansai
Kama lah badan nan ka dibao
Kusuik nan juo, kusuik nan juo mambao sansai

Aia Bangih

Dari Sasak ka Aia Bangih
Nak manyubarang di ombak gadang (ondeh lah sansai)
Yo di ombak gadang …
Dari Sasak ka Aia Bangih
Nak manyubarang di ombak gadang (ondeh lah sansai)
Yo di ombak gadang …
Di dalam galak, di dalam galak timbua lah tangih
Badan ko bak raso (ondeh lah sansai)
Badan bak raso si bayang-bayang …
Di dalam galak, di dalam galak timbua lah tangih
Badan ko bak raso (ondeh lah sansai)
Badan bak raso si bayang-bayang …
Pasang suruik riak tak nampak
Biduak tadampa di tapi pantai (ondeh lah sansai)
Yo di tapi pantai …
Pasang suruik riak tak nampak
Biduak tadampa di tapi pantai (ondeh lah sansai)
Yo di tapi pantai …
Mandeh lah mati, mandeh lah mati, ayah tak nampak
Di sikonyo hati (ondeh lah malang)
Di siko hati mangko nyo sansai …
Mandeh lah mati, mandeh lah mati, ayah tak nampak
Di sikonyo hati (ondeh lah malang)
Di siko hati mangko nyo sansai …

Buaian Buluah

Buai babuai buaian buluah, agiah batali si aka rotan
Buai babuai buaian buluah, agiah batali si aka rotan
Kami banyanyi parintang rusuah (kanduang)
Takana sanak di parantauan
Kami banyanyi parintang rusuah (kanduang)
Takana sanak di parantauan
Reff:
Buai babuai si rotan batu, dibuai anak urang Kinali
Buai babuai si rotan batu, dibuai anak urang Kinali
Jikok taragak pulanglah dulu (sanak)
Kampuang nan tingga rindu mananti
Jikok taragak pulanglah dulu (sanak)
Kampuang nan tingga rindu mananti
Hujan ameh di rantau urang, hujan nyo batu di kampuang kito
Hujan ameh di rantau urang, hujan nyo batu di kampuang kito
Kok sanang bana di rantau urang (sanak)
Kampuang nan tingga usah dilupo
Kok sanang bana di rantau urang (sanak)
Kampuang nan tingga usah dilupo
Mungkin sanak alah mandanga, kisah galodo di kampuang kito
Mungkin sanak alah mandanga, kisah galodo di kampuang kito
Malang manimpo yo ka baalah (kanduang)
Marilah kito bantu basamo
Malang manimpo yo ka baalah (kanduang)
Marilah kito bantu basamo

Endong Endong

Gadang gadang kayu di rimbo
Nan sikaduduak danguang badanguang
Kadang nyo kadang, kadang nyo kadang hati taibo …
Dimano duduak, dimano duduak sinan bamanuang
Endong-endong namo lagunyo, dimano duduak sinan bamanuang
Pilin bapilin aka nyo rotan
Malilik batang si kayu jadi
Basabab kampuang, basabab kampuang ambo tinggakan …
Dek bansaik diri, dek bansaik diri sanak pun banci
Endong-endong namo lagunyo, dek bansaik diri sanak pun banci
Kayu kalek jo kayu madang
Ditarah urang di tangah rimbo
Nyampang kok larek, nyampang kok larek di rantau urang …
Jan diratoki, dirinyo ambo alah tabuang
Endong-endong namo lagunyo, dirinyo ambo alah tabuang

Jambu Merah

Ayam nyo kuriak lantak nyo basi
Disabuang anak rang Koto Tuo
Barilah maaf ambo banyanyi
Sabab basalo tuo jo mudo
Ahai si jambu merah namo lagunyo
Ahai si jambu merah kami dendangkan
Limau nyo manih nan dari Baso
Pucuak nan kambang, kambang nyo kucuik
Ambo nan ketek alun biaso
Ilmu nan balun sabalah rambuik
Ahai si jambu merah namo lagunyo
Ahai si jambu merah kami dendangkan
Dantuang badantang bunyinyo gandang
Urang manari tari salendang
Tuo jo mudo bahati sanang
Samo manari nan jo badendang
Ahai si jambu merah namo lagunyo
Ahai si jambu merah kami dendangkan
Rancak luluaknyo sawah di Solok
Tantang musajik si Galogandang
Karano budi nan sangaik elok
Jauah saketek dijalang urang
Ahai si jambu merah namo lagunyo
Ahai si jambu merah kami dendangkan

Jambatan Basi

Jambatan basi Subarang Padang
Iyo nak pai ka Taluak Bayua
Usah manyangko denai banyanyi dek hati riang
Dendang parintang, dendang parintang hati nan rusuah
Bukik Putuih tanahnyo lereang
Basimpang jalan nak ka Pampangan
Di dalam angguak, di dalam angguak adiak manggeleang
Denai bakcando, bakcando biduak hilang haluan
Di sanjo hari kapa balabuah
Baok pasisia nan dari Jao
Basabab hati, basabab hati mangkonyo rusuah
Diri tacinto, diri tacinto urang nan punyo
Taluak Kabuang ka Kayu Gadang
Singgah sabanta baranti makan
Badan taraso, badan taraso si bayang-bayang
Hati lah larek, hati lah larek adiak tinggakan

Kasiah jo Sayang

Anak rang Bayua jalan barampek
Mambao bantai nak ka Paingan
Anak rang Bayua jalan barampek
Mambao bantai nak ka Paingan
Urang nan jauah usah diingek, ondeh lah sansai
Batambah laruik, batambah laruik oi nan paratian
Urang nan jauah usah diingek, ondeh lah sansai
Batambah laruik, batambah laruik oi nan paratian
Anak rang Lawang handak ka Magek
Sawah manguniang nan di amparan
Anak rang Lawang handak ka Magek
Sawah manguniang nan di amparan
Kasiah jo sayang jikok lah lakek, ondeh lah sansai
Kuruih lah badan, kuruih lah badan dek mamikiakan
Kasiah jo sayang jikok lah lakek, ondeh lah sansai
Kuruih lah badan, kuruih lah badan dek mamikiakan

Dilamun Ombak

Niaik galombang yo nak ka pulau – 2x
Lumuik mancinto batu nyo intan – 2x
Niaik di hati yo nak bagurau – 2x
Tagah dek sulik yo mangatokan – 2x
Biduak pacah pelang lah rarak – 2x
Pulau dijalang yo jauah pulo – 2x
Hati jo jantuang nan lah bakandak – 2x
Kok indak sampai ka baa juo – 2x
Badantuang ombak nan di muaro – 2x
Urang mamukek si maco aji – 2x
Sukonyo urang wakatu ado – 2x
Bimbangnyo awak wakatu lai – 2x
Jikok ditumpang biduak nan tirih – 2x
Cameh kok pacah dilamun ombak – 2x
Urang batenggang yo di nan lai – 2x
Awak manangguang karano tidak – 2x

Datuak Sagalo

Ota gadang balapia-lapia
Urang mandanga disangko pandia
Baliak balakang lah kanai cibia
Nyo baciloteh bakcando aia
Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo
Heee … Heeee ….
Dima kusuik nan kasalasai
Awak binguang disangko pandai
Tabang tinggi sayok maradai
Apo nan dikakok bapetai-petai – 2x
Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

Haha Hihi

Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo
Hujen ghintiak-ghintiak
Lauak masiak dalam talago
Pacah paghang nagaghi bakiak
Ughang pulang batimpo-timpo
Cadiak paliang cadiak kancia di dalam ghimbo
Kalah balaghi batunang jo syipuik di tapi aia
Caliak hei mancaliak, caliak bak nyato-nyato
Usah mangecek kalamak, kalamak indak bapikia
Duduak malam-malam yang simben bak ado kopi
Limpiang sagu angek-angek kok ado labiah bak kanai
Dek aghok baghagom, baghagom lah hilang gaji
Haha hihi haha hihi, haha hihi haha hihi …

Malapeh Layang Layang

Rami lah urang di tangah sawah
Urang malapeh yo layang-layang
Den baok pulo layang-layang den
Kok untuang namuah yo den naiakkan
Den pacik kuaik pado nyo lapeh
Padiah tangan den dek mamacikkan
Kironya datang badai mahampeh
Layang-layang den putuih di tangan
Reff:
Antah lo badai yo nan lah datang
Antah kok banang yo nan lah lapuak
Layang-layang den putuih di tangan
Putuih maraok ka ladang urang

Risau Lai

nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

O … Risaulai
Rami lah urang yo di Malalak
Hari nan sadang tangah hari
Lah dapek gadiang nan batuah
Tabuang tanduak kabau mati

Dima lah padi nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

Reff:

O … Risaulai
Ramilah pasa Kampuang Jao
Rami dek anak Taluak Bayua
Dunsanak ameh kami timbago
Dima ka dapek campua baua

Dima lah padi nan indak ka hampo
Mancik di sawah yo nan mahabihkan
Dima lah hati yo ndak ka ibo
Ameh jo perak yo lah basisiahkan

Galok

Galok …, galok …
Hari nan tarang … kini lah galok …
Kinilah galok
Hujan …, hujan …
Itu tandonyo hari ka hujan …
Hari ka hujan

Dima lah denai … yo ka bataduah
Pondok nan ketek ondeh … lah tirih pulo
Basah badan den … ditimpo hujan
Indak den sangko ondeh … bacando iko

Reff:

Ibo …, ibo…..
Ibo hati den mangana untuang …
Mangana untuang
Galok …

Ka Pulang Juo

Oi … bulan taranglah baa
Lah ilang si matohari
Onde uda pulanglah baa
Adiak lah lamo yo dek mananti – 2x

Oi … adiak basaba malah
Uda ka lai ka pulang juo
Bia lambek asa salamaik
Indak ka lari diak gunuang dikaja

Kok uda pai ka Jao
Oi … baoklah si sapu tangan
Bia lai biapun tido
Asakan duduak yo bapandangan – 2x

Laloklah Adiak

Lalok sayang, lalok piciangkan mato
Usah adiak, usah manangih juo
Sanang lah diak, sanang dalam buayan
Barisuak siang kito bamain pulo

Reff:

Kok lah gadang elok-elok lah laku
Buliah nan sayang urang bakeh awak
Turuik parintah ayah jo bundo
Buliah nak salamaik iduik di dunia

Oi … upiak kok ka ladang
Bantulah yo amak nan sadang manuai
Oi … upiak kok lah gadang
Eloklah mamiliah kawan nan sasuai

Kok Lai Saba

Oi … uda … (apo diak)
Tadi malam den barasian
Rasonyo uda digigik ula

Oi … adiak … (apo da)
Usah adiak pancameh bana
Rasian pamenan lalok

Cameh lah bana denai rasonyo
Takuik den uda dirabuik urang
Tasansai badan den surang

Uda nan indak ka mungkia janji
Usahlah adiak maraso cameh
Sakik sanang kito baduo

Oi … uda … (apo diak)
Kok baitu yo janji uda
Lah sanang hati den kini

Oi … adiak … (apo uda)
Samo sanang rasonyo hati
Lah sampai mukasuik kito

Balahan Nyao

Bungo rayo tumbuah sabatang
Tumbuah luruih dakek talago
Oi … sampai hatinyo rang paladang
Kumbang ka inggok ditapuaknyo

Oi … diak kanduang balahan nyao
Usah denai disalahkan
Kok santano denai lai basayok
Den gungguang adiak den baok tabang

Di mato indak talalokkan
Di hati indak talupokan
Lah harok bana den ka adiak
Apo kadayo badan denai

Bacarai Lamo

Bia badarai o .. sayang padi puluik
Nan ko badarai o.. sayang indak babuah
Bia bacarai o .. sayang kito di muluik
Asa di hati barubah…, indak barubah

Reff:

Bialah uda kiniko di tangan urang
Denai mananti …, mananti jo hati saba
Jikok lai untung basuo …, kito basuo

Dari tapian o .. sayang nak ka muaro
Batang Kanari.., kanari dari Muntaun
Jan dikatokan o .. sayang bacarai lamo
Yo nan sahari .. satahun .. raso satahun

Rasian Buruak

Tasintak badan … di tangah malam
Tasirok darah di dado ati ndak sanang
Cicin dipakai kini lah hilang
Antahko uda kiniko dirabuik urang

Reff:

Den barasian rasonyo
Cincin den nan di jari dicabuik urang
Rasian buruak kironyo
Baalah nan katenggang sabana malang
Kini buruang lapeh di tangan

Sajak tasintak
Mato ndak namuah
Yo dilalokkan lah pagi candonyo hari

Biduak Tirih

Usahlah ditabang batang kuini ondeh sayang
Eloklah dipupuak bia nyo tumbuah

Reff:

Usahlah manompang jo biduak kami ondeh sayang
Biduak lah tirih, biduak lah tirih pandayuang lapuak
Kami balayia mahadang pulau, jauah di tangah

Ombaknyo gadang nan ka ditampuah … ondeh iyo
Layia lah cabiak, layia lah cabiak, tonggak lah patah
Alamaik karam dalam lauik

Anak Batanyo

O Ides sia bana o liek pulang sikolah
Ides maliek abak lah mambonceng urang
Sia urangnyo o ides nan diboncengnyo
Urang sakantua karajo samo jo abak

O amak si Ides dangakan malah dahulu
Nan denai bonceang yo sekretaris denai
Dek hari ka hujan, dek rumahnyo jauah
Itu kan biaso karano kawan sakantua

Inyo dek mangecek, ndak den ka picayo
Dek jaman kiniko lah banyak urang nan edan

Oi Ides anak abak ndak elok awak pangadu
Anak ketek indak buliah sarupo itu
Danga dek abak nan amak acok batanyo
Jadi tapasolah Ides maagiah tahu

Abaknyo ndak usah lah si Ides nan diberangi
Agiahlah contoh nan elok ka bakeh anak

Kok lah nan tadorong, ndak ka baa juo
Nak sampai kok kateh indak ka dibuek lai
Elok lah ditampuah yo jalan nan luruih
Supayo ndak damai yo nak rukun rumah tanggo

Maso Nan Lalu (Fachri)

Lah condong, candonyo matohari sayang
Tando hari ka mulai malam
Tadorong rasonyo dalam hati tuan
Tamanuang ingek maso nan silam

Padang Panjang dilingkuang bukik sayang
Bukik dilingkuang kayu jati
Sinan kasiah sayang mulo ka dituang
Sinan pulo denai batarangi

Diingek lai lah jauah di rantau
Antah pabilo masonyo ka pulang
Jikok turun rinai tangah malam
Tando adiak tabayang-bayang

Kini denai lah jauah di rantau urang
Antah pabilo masonyo ka pulang
Jikok turun rinai tangah malam
Tandonyo adiak tabayang-bayang

Hati Risau (Yun Bur)

Dari Baso manjalang manurun danau
Tapi jalan banyak nan babatu – 2x
Hari sanjo matohari turun tuan
Hati den risau dek manahan rindu – 2x

Reff:

Indak elok hati diparisau
Elok baok … basuko bagurau
Rusuah hati baok bakarajo
Dunia laweh dima tapinyo

Ujuang Guguak tampek kareta baranti
Labuahnyo luruih satantang Birugo – 2x
Namuah kuruih denai dek manahan hati
Takana adiak jauh dimato – 2x

Itu Nan Mandayo

Pado mulonyo ndeh bapandang mato
Lambek jo lamo mak, kami jatuah cinto
Bia bagaluang ndeh ula di batangnyo
Bungo idaman mak, ka den raiah juo

Reff:

Bukan dek rancak adiak
Sampai mambuek den gilo
Bibia tipih merah basah
Itu nan mandayo

Anak lah urang ndeh Kampuan Sawahan
Lah ampek tahun mak marantau ka Jao
Bukan batapuak ndeh den sabalah tangan
Tanyokan sajo mak ka bakeh dirinyo

Salawaik Dulang

O .. dangalah
Salawaik dulang
Dunia Rang Solok
Tuo jo mudo, tuo jo mudo

Bujang jo gadih
Tuo jo mudo
Baralah sorak
Nan jo sorainyo

O .. dangalah
Salawaik dulang
Dunia Rang Solok
Tuo jo mudo, tuo jo mudo

Like this: Usah Bamanuang

Sarasah aia di gunuang
Di Gunuang Rotan ka tali yo …
Usah diak duduak bamanuang surang
Rang pamanuang hati paibo – 2x

Kasiah hati ka adiak surang
Samulo kito basuo
Indak adiak ka risau surang
Risau hati kito baduo

Lah basah kayu dek hujan
Ndak lamo babalua pulo yo
Usah diak risaukan badan surang
Indak lamo batamu pulo

Kasiah hati ka adiak surang
Samulo kito basuo
Indak adiak ka risau surang
Risau hati kito baduo

Ka pakan ka Bukiktinggi
Jan lupo mambali ikan yo …
Bapasan di dalam mimpi sayang
Jaweklah diak yo jo rasian – 2x

Kaki Limo (Carano)

Ton tong tong peti kosong
Jikok digua bunyi tak tontong
Mo mo mo kaki limo
Buruak untuangnyo

Disuruah bali toko
Sapetak baju maha haragonyo
Jo apo kadiabayia
Pitih tak ado

Cando iko lah nasibnyo rang kaki limo – 2x

Sadang manggaleh panggusuran lah tibo pulo
Anak den banyak sikolahnyo lah taniayo
Sia kok tahu Isuak hari elok nasibnyo
Ganti pamimpin nan kini lah baransua tuo

Klasik Andam Oi

Nan indaruang ditangah padang yo andam oi
Ditutuah jatuah nan sadahan – 2x
Nan balinduang di kayu gadang yo andam oi
Tahinda paneh nan jo hujan – 2x

Andam oi andam, andam oi andam
Andam oi andam, oi andam oi …

Nan palambah pai mambidiak yo andam oi
Kanai lah anak katitiran – 2x
Payokumbuah sumarak naiak yo andam oi
Batuah kampuang jo hilaman – 2x

Andam oi andam, andam oi andam
Andam oi andam, oi andam oi …

Anggang tabang lai bamangkuto yo andam oi
Rajo bajalan badaulaik – 2x
Sarik pahamnyo lai kato-kato yo andam oi
Tiok kato lai baalamaik – 2x

Andam oi andam, andam oi andam
Andam oi andam, oi andam oi …

Nan manuruik sapanjang alua yo andam oi
Manampuah lai sapanjang jalan – 2x
Aka lah langkah nan ka talanjua yo andam oi
Jan kudian jadi sasalan – 2x

Andam oi andam, andam oi andam
Andam oi andam, oi andam oi …

Lah Talambek Bangkek Jadinyo