SEKAPUR SIRIH TARI PASAMBAHAN

SILAHKAN SUBSCRIBE JIKA INFO INI BERMANFAAT 

ABAIKAN JIKA TIDAK

SEKAPUR SIRIH TARI PASAMBAHAN 

Assalamualaikum di awa kato

jo bismilah kato di mulai

taatkalo  ambo ka marambah

lah tinggi bana ladang ko dek samak
tanam lado  disanjo rayo
Takalo ambo ka manyambah

Lah tasuruah jo niniak mamak

Dihadapan kito nan basamo

Sairiang balam jo barabah
Balam lalu barabah mandi
Sairiang salam nan jo sambah
Sambah lalu salam kumbali

Di hari sahari nan ko
Manunggu patang nan jo siang
Nan di nanti alah tibo
Nan di tunggu alah datang

Buruang sinurak buruang sinuri
Manari-nari diateh pamatang
Siriah galak pinang manari
Mancaliak carano nan lah datang

Pinang sabuah mintak digatok

Siriah sacabiak mintak dikunyah

geleang rokok pamenan tangan

Tarantang tali dibawah janjang
Elok diambiak pangabek sikek
Kok dirantang namuah panjang
Elok dipunta nak nyo singkek

Iyo tinggi batang anjalai
Tampak nan dari tangah koto
Iyo banyak siriah di balai
Sado iko dalam carano.

Putiah kapeh dapek diliek
putiah hati bakaadaan

sakian sambah dari ambo