MAMAK PANJUA HARATO PUSAKO - Karya Erik yonanda S.Pd.I

SILAHKAN SUBSCRIBE JIKA INFO INI BERMANFAAT 

ABAIKAN JIKA TIDAK

MAMAK PANJUA HARATO PUSAKO - Karya Erik yonanda S.Pd.I

SINOPSIS

CERITA INI MENGISAHKAN SEORANG MAMAK YANG SUKA MENJUAL HARTA PUSAKA TINGGI DIMINANGKABAU, DICEGAH OLEH MAMAKNYA NAMUN DIA MELAWAN KEPADA MAMAKNYA DAN MENGOTOT TETAP AKAN MENJUAL

ADEGAN 1

ANAK DAN MANDE SEDANG KESAWAH

Mande	:	Nak … sawah iko warisan dari nenek yang tingga lai nak
Anak	:	Memangnyo ado yang lain tu mande?
Mande	:	Ado … tapi lah dijua dek mak culun ang nak ? Nan itu sawah nenek dulu mah … Abih dijua sadoe dek mak culun … Lai dikatoan dek nenek ang dulu Kalau sawah pusako tinggi diminangkabau tu ndk buliah dijua do nak …
Mande	:	Paralu ang tahu nak Pusako diminangkabau ko ado duo nak Partamo PUSAKO TINGGI Apo itu pusako tinggi adolah pusako nan diturunkan dari niniak moyang kito dahulunyo Nan diparuntuakkan untuak kesejahteraan keturunan padusi diminangkabau Tu mangkonyo laki laki indak dapek jatah pusako tinggi diminangkabau Laki laki tugasnyo manjago harato pusako nan diturunkan dari niniak moyang kapado pawarih suku dalam keluarganyo Nan jatuah kapado pihak padusi di Minangkabau Sabek padusi kolah nan ka manaruihkan suku diminangkabau Indak buliah dijua tu nak … Jan kan dijua digadaikan sajo ado syareknyo manuruik kesepakatan adek kito 1. rumah gadang katirisan 2.mayik tabujua dalam rumah 3. gadih gadang indak balaki 4. pambangkik batang tarandam Nan kaduo PUSAKO RANDAH Apo pulo itu pusako randah nak Adolah pusako nan didapekkan dari hasil pencarian seorang laki laki atau padusi diminangkabau Itu baru dibagi sasuai jo syariat agamo. Tu mangkonyo Nyampang kok ang gadang bisuak nak … barasaki pulo itu nan paralu ang ingek harato pusako tinggi jan dicampuakan jo harato pusako randah sabek itu akan manjadi sangketo beko dek keturunan kito kabawah. Indak jaleh mano harato pusako tinggi nan indak patuik dibagi Mano harato pusako randah nan patuik di bagi Sahinggo tajadilah perdebatan …  Nan tak kunjuang sudah
Anak (botak)	:	Ooo baitu yo mande … Ambo baru paham mande Harato pusako ado duo dimanangkabau Partamo harato pusako tinggi Indak buliah dijua Hanyo buliah digadai Menurut kesepakatan adat dengan syarat yang alah di tantuan dek adat minang 1. rumah gadang katirisan 2.mayik tabujua dalam rumah 3. gadih gadang indak balaki 4. pambangkik batang tarandam Nan kaduo Harato pusako randah Adolah pusako nan didapekkan dari hasil pencarian seorang laki laki atau pun padusi nan dibagi sasuai jo syariat agamo
Mande	:	Batua bana tu nak kanduang

ADEGAN 2

Ketika mande dan sianak disawah sedang menggarap tanah  datanglah siculun membawa orang yang akan membeli tanah sisa peninggalan satu satunya, siculun menunjukkan kepada pembeli tanah tersebut bahwa tanah ini akan dia jual 

Mande	:	Da kamanga uda mambaok urang ko Maukua2 sawah Ka uda jua juo sawah ko Iko nan tingga lai da (menangis) Uda lupo pasan amak Jan dijua tanah pusako …
Culun	:	aaaaaaaaaaaaaaaaaaaaaa Iyo … Sawah iko ka uda jua Beko pitih nyo kan ka wak bagi juo baduo
Mande	:	Indak Jan uda jua juo lai da Jo a anak ambo kamakan da Sawah disabalah sawah tek simar kan alah uda jua Iko ka uda juo juo lai Ndk ibo uda jo kamanakan uda … (Menangis)
Anak	:	(Si botak meminta mamaknya untuk jangan dijual sawah) Mak jan dijua sawah ko mak Iko sawah sapiriang ko lai mak tampek kami kasawah mak Ndk ado lai … (menangis)
Culun	:	A kecek ang Lah gadang ang yo Eeeee Den tampa ang … (kesal )
Mande	:	Jan uda (menangis) Bertengkar dengan culun …
Anak (botak)		(Botak lalu pergi Kerumah angku sulah Mamak dari ibunya dan culun)

ADEGAN 3

Sibotak	:	(Nafas si botak sesak karena lari kerumah angku sulah ingin mengadu) Hhahahahahahaah Angku …. Angku …. Angku ………………………
Angku Sulah	:	Sia nan maibau mode rang rimbo … Ndk bataratik … Onde cucu den kiroe mah A  cu … Manga mararah rarah situ Kamari lah ang …
Si Botak	:	Hahahahahahahah Sasak angok
	:	angku caliak ang Bantuak ciliang jariah Cubo baok batanang… Kini tarik nafas Turun …. Tarik lagi …. Turun …. (Puuuut )
Sibotak	:	Ehhhh Talapeh ngku …
angku sulah	:	Ndk bataratik ang da gah
		Maaaf ngku …
Angku sulah		Bisuak jan ang ulang lai ndk Ang ulang juo bisuak liak Ang jantiak talingo ang …
Si botak		Ndk ngku …
Angku sulah		Kini ang jalehan mangapo ang kamari
Sibotak		Mak cuuuuuuuuuuuulun ngku
		Manga siculun tu Babuek ulah lo nyo baliak
		Mak cuuuulun ka manjua sawah ngku
		Manjua sawah Sawah nan tingga sapiriang tu Kadijua juo lai Patang ko lah sudah manjua tanah disabalah sawah tek simar  Kini ka di jua juo liak Lai jaleh di ang manjua tanah diminang kabau ko ndk buliah
		Ambo ndk sato do ngku !!!
		Yo ang ndk sato do siculun … jan kan manjua tanah manggadai sajo kalau ndk ado alasanyo ndk buliah lai jaleh diang ado ampek  pakaro mangko mangadai tanah diminang kabau Partamo Rumah gadang katirisan Rumah gadang nan alah ndk layak dipakai Alah rumsak sadangkan biaya pameloknyo indk ado Mako buliah manggadai harato pusako Nan kaduo Gadih gadang indk balaki Gadih nan alum balaki indak ado biaya untuak mmpalakian Itu buliah digadaikan harato pusako Nan katigo Maik tabujua tangah rumah Maik nan sadang tabujua tapi indak ado biaya untuak maurus jenazah Itu buliah digadaikan harato pusako Nan ka ampek Mambangkik batang tarandam Anak kamalanjutkan sikolah ka jenjang pendidikan nan labiah tinggi untuak mengangkat derajat keluarga itu buliah manggadai Salain dari nan ampek itu Disumpah dek niniak moyang kito dahulunyo Ibarek batang kayu Ka ateh indak bapucuak kabawah indak baurek Ditangah tangah digiriak kumbang Alah kajaleh tu dek ang
		Lah ngku
		Kini baitu malah lai Kito turuik si culun tu Dima nyo kini
		Di sawah ngku …
		Capek wak kasitu ,,,,
		Yo ngku …
		Tunggu dulu Kawek gigi angku tingga …

ADEGAN  4

Angku sulah		Oi culun Manga juo ang lai Ka ang juo juo sawah sapiriang ko Kamanakan ang nan padusi banyak Ndk ibo ang …
Culun		(Tibo pulo si sulah tanang pak iko ambo maurus) Eh mamak sulah Iyo mak Iko kan bagian amak den Berarti punyo amak den mak …
Angku sulah		Iyo punyo amak ang … Tapi ang pikian pulo lah kamanakan ang … Kamanakan banyak …
Culun		Mamak ndk usah sato sato iko urusan den …
Angku sulah		Oi culun Lai jaleh diang Harato pusako tinggi diminangkabau ko indak buliah dijua Jaan kan di jua digadaikan sajo ado syaarek nyo … Kan paham ang tantang … Kini waang malangga aturan adek diminangkabau Manjua harato pusako tinggi Di sumpah dek niniak kito Kateh indak bapucuak kabawah indak baurek ditangah digiriak kumbang
Culun		Apo pun kecek mamak Den tetap ka manjua tanah ko Walau  mamak nan manghalang Jo mamak mamak den laluan … (Culun menyerang angku sulah Ternyata angku sulah pandeka Walaupun sudah tua)
CULUN KALAH
Culun		Ampuuun mak
		Sia nan ka manolong ang kini …
		Ampun …. Ampun …. Mak …. Ndk ka den ulang liak mak Tobat mak Tobat mak
		Kini baitu malah dek waang Usah ang ulang duo kali Cilako awak jadinyo … Untuak kito nan basamo Harato pusako diminangkabau Ado duo 1.       pusako tinggi 2.       pusako randah harato pusako tinggi iyolah pusako turun tamurun nan diparuntuakkan untuk kelangsungan kaum suku diminangkabau harato tu jatuah kapado padusi sebagai penerus suku laki laki betugeh untuk manjago harato pusako tinggi indak buliah dijua tapi buliah digadai itupun  ado syaratnyo dari adek Minangkabau 1.       Rumah gadang katirisan 2.       Nan kaduo maik tabujua dalam rumah 3.       Gadih gadang indak balaki 4.       Pambangkik batang tarandam
TAMAT