Panglimo gaga 2020

CARITO RANDAI

PALIMO GAGA JO SIRENO  NILAM

 

 

1.     

oleh :

ERIK YONANDA

 

KESENIAN TRADISIONAL MINANGKABAU

“SANGGAR MUDO BARAPI”

KOTA SOLOK

 

 

 

Pemeran

 

1.      PANGLIMO GAGA

2.      BUJANG BAGANTO

3.      RENO NILAM

4.      CIAK MENAN

5.      MANDE SITI ZUBAIDAH

6.      GALANG SAPIK

7.      TUAK LEMAN

8.      TUKANG GUBALO

 

 

 

 

SINOPSIS

Cerita Ini adalah versi terbaru dari carito panglimo gaga dan reno nilam yang sudah di kreasikan

Yang  Mengisahkan Tentang Perjodohan Antara Panglimo Gaga Dan Sireno Nilam, Reno Nilam Adalah Seorang Anak Yatim Yang Tinggal Bersama mande yaitu Siti Zubaidah Mamaknya Ciak Menan,

Karena Sang Mamak Memiliki Hutang Kepada Panglimo Gaga disebabkan  kalah judi, Sehingga Mamak Berniat Memebayar Hutang Tersebut Dengan Menjodohkan Reno Nilam Dengan Panglimo Gaga

 

 

 

 

 

 

 

 

 

 

SEKAPUR SIRIH

Assalamualaikum pamulo pambukak kato

Jo bismillah kato dimulai

 

Bagai awa pamulai kato

Sipatan rundiang pandahuluan

Salam taunjuak sanak sudaro

Iyo kaganti bajawek tangan

 

Sairiang balam jo barabah

Barabah lalu balam mandi

Sairiang salam nan jo sambah

Sambah lalu salam kumbali

 

Ketek nan indak disabuikkan namo

Gadang nan indak diimbaukan gala

Marapek katangah medan nanko

 

Rila jo maaf kami mintak

Kabakeh niniak nan jo mamak

Alim ulama cadiak pandai

Ipa bisan bako jo baki

Andai tolan sanak sudaro

Sarato ado manyumando

Sarato sanak kasadonyo

 

Ganti Kaparintang rintang hati

Kapalapeh kaua salamoko

Kami tatiangkan curito randai

PANGLIMO GAGA JO RENO NILAM

 

Tipak kapado caritoko sanak

Kok kurang asin dek garamnyo

Kurang padeh dek ladonyo

Racik bawangnyo kok kurang aluih

Tolong dek sanak samparonokan

 

Bukan nyo sarok sarok balai sajo mak

Sarok kok ado silaronyo

Sapukan taruih ka hilaman

Bukannyo ratok randai sajo mak

Kok ado kagunonyo jadikan telong Kapidoman

 

Anak rang padang manggumpa banang

Banang digumpa lalu dilipek

Dilipek lalu dipatigo

Kok dirantang namuahnyo panjang

Elok dipunta naknyo singkek

Ambiak sajo nan paguno

 

Kabau gadang pandai lago

Makan barulak kaparaku

Adaik nak pulang kapusako

Sambah baulak kanan tahu

Sakian sambah dari ambo 

 

 DENDANG CARITO RANDAI PANGLIMO GAGA 

*Dayang Daini

Mano Sagalo,,,
Niniak jo Mamak,,,
Sarato Sanak Jo sudaro,,

Rila Jo Maaf,,,
Nan Kami mintak,,,
Randai Di Mulai
Langkah Ba Angkek,,,


*Simarantang Randah

Nan Di Bukak curito Lamo
Curito maso Dahulu Nyo 2x
Nan Takaba Panglimogaga
2 jo diri Si Reno Nilam 2x

*Dendang Payakumbuah


lah Bajalan Aciek Menan
Bara Ka Sanang Paratian
Yo Dapek Bana Kandak Di hati

Dialiah Pulo Kaba Tu kini
Panglimogaga pai Mancari
Si Reno Nilam Yo Maso Itu

Raso Di bibia Yo Tapi Cawan
Lah Raso  Lakek Cincin Di Jari
Yo Itu Bana Taraso Kini

Itu Bana Nan Takana
Raso Dunia, Capek Baputa
Dek Dunsanak Cubolah Danga


*Cincin Banamo

Malang nasib Nyo Panglimogaga²
Buruang Lah Jinak Da Kanduang Katangan Balum 2x (Ondeh Lah tuan oi)

Tuan Mamikek Jo Ameh Perak
Balam Nak Iyo Da Kanduang
Nan Jo suaso (Ondeh Lah Tuan oi)


*Simarantang Tinggi

Ampun......
Baribu Kali Ampun,,
Ampun Sabaleh Jo Kapalo
Jari Sapuluah Nan Kami Susun
Rila Jo Maaf Kami Pinto
Kabakeh Sanak Kasadonyo
Mak ooohoooiiii

 

CERITA RANDAI PANGLIMO GAGA

 

1.    Aciak Menan Datang Kerumah Nilam Mencari Adiak Kanduang

 

Ciak menan	:	Lah Lamo Den Dak Kamari, Taragak Pulo Den jo adiak den   Adiak kanduang siti zubaidah Kamari adiak tagak ado rundiang ka denai sampaikan
Siti Zubaidah	:	Kakak Denai aciak menan, Untuang Bana Kakak tibo, Kok Indak Denai Kadatang  Juo, Pai Manjalang Kakak  Kanduang.   Kakak den aciak menan Kito  Baduo Badunsanak Apo Bana Nan Tarumik Susah Nak Kito Bagi Duo Tolong Tarantangkan Jaleh-Jaleh
Aciak menan		Diak kanduang Siti Zubaidah Gadang mukasuik ka denai jalang Bukan kinari kinari sajo Kinari nak rang padang bukan kamari kamari sajo gadang mukasuik ka denai jalang   Mangko denai datang kamari katantangan diri sireno nilam di pakan nan kapatang panglimo gaga datang karumah denai inyo mintak dipatunangkan iyo jo diri sireno nilam
Siti zubaidah		Kakak kanduang badan denai Kalau itu nan kakak sabuik Cubo kakak ukua jo jangko   Jikok di badan diri denai Manuruik sajo kakak kanduang Ketek anak mande jo apaknyo Kok gadang anak mamaknyo
Aciak menan		Diak kanduang situ zubaidah Itu usah adiak pikiakan   Panglimo gaga kan urang tapandang Urang kayo dalam nagari Jikok nilam jo panglimo gaga Kan marubah nasik kito juo   Ibarek urang kasawah Barayia sawah di ateh Lambok sawah dibawah   Kok indak ka dapek hujan labek Hujan rinai ka jadi juo
Siti zubaidah		Kok baitu kato uda denai lai manuruik sajo
SITI ZUBAIDAH MEMANGGIL RENO NILAM
Siti Zubaidah		Nak kanduang sireno nilam kamari anak tagak ado rundiang kamande sampaikan Kabakeh diri anak   Nak kanduang badan dek diri Mamak datang ka bakeh mande Mande indak dapek mailak lai Bahaso anak alah di patunangkan iyo jo diri palimo gaga ...
Reno nilam		Mande kanduang badan den diri Bukan denai malawan mande Tapi .......
Siti Zubaidah		Nak kanduang sireno nilam Usah anak baragu ragu juo Itu lah kato nan sabananyo
Reno Nilam		Maafkan denai mandeh kanduang

 

 

2.      Palimo Gaga Ketempat Reno Nilam Untuk Membahas Pertunangannya Dengan Reno Nilam

Palimo Gaga	:	Reno nilam pautan hati Tumpahan kasiah badan diri   Nak urang Pincuran tabik Nak ulam pucuak manjulai Disiko mah nilam kironyo
Reno Nilam		tasirok darah di dado tapacak paluah di kaniang apo sabab karanonyo mangkok tuan datang kamari
Palimo Gaga		Hmmmm (Menggoda)   Reno nilam balahan diri, jarek samato palarai damam, limpapeh rumah nan gadang, sumarak anjuang paranginan   Bukan kinari kinari sajo diak Kinari anak urang padang Bukan kamari kamari sajo diak Gadang mukasuik ka denai jalang   Nak duo pantun sairiang danga dek adiak sabuah lai Singkarak batuang rang tarah Ditarah tapi daun buruang lah tampak ka denai gatah Jinak alah ka tangan balum
Reno Nilam		Dikarek batuang rang tarah Ditareh di tapi daun Jikok buruang ka tuan gatah Buruang lah ado urang nan punyo   Maklumlah tuan tantang itu
Palimo Gaga		Oi .... Diak kanduang sireno nilam indak kok adiak dapek kaba   iyo di bulan dahulu adiak lah denai pinang ka mamak nilam ka pancukupan dibulan datang kabaraleknyo     Sungguah samantang baitu danga dek adiak denai katokan   Urang mamikek udang lalu Kanai kapitiang jo sirangkak Urang mamikek jo balam mau Denai mamikek jo ameh perak
Reno Nilam		iyo pulo bak pantun urang Anak urang tanjuang barulak Barulak barulai pulo Tuan mamikek jo ameh perak Balam nak iyo jo suaso   Samintaro tuan rang kayo gadang Den ndk suko jo gagah urang Den ndk tadayo jo ameh perak Den ndk tadayo jo harato banyak   Cinto nan suci den harokkan Eloklah tuan cari nan lain
Palimo Gaga		Oi diak Iko panglimo gaga Den basutan di mato den Den barajo di hati den Kandak den pantang indak balaku   Nak urang koto malanca Nan barumah dipariaman Kandak den palimo gaga Pantang di ambek ditagahkan   Anak bincacak bincacau Anak singiang ngiang rimbo Denai bari kaba mamak nilam tangguang rasiko dek nilam surang

 

 

 

3.      Mamak Pergi Ketempat Nilam Setelah Palimo Gaga Mengadu Kepada Mamak

 

Ciak Menan		Reno nilam janyo mamak Kamari nilam tagak Ado rundiang ka mamak sampaikan
Reno Nilam		Mamak kanduang janyo nilam tasirok darah di dado tapacak paluah badan diri   apo  kaba jo barito makonyo mamak datang kamari
Ciak Menan		Kamanakan mamak si Reno Nilam awih katampek mintak aia litak katampek mintak nasi   Bukan kinari kinari sajo Kinari anak rang padang Bukan kamari kamari sajo Gadang mukasuik ka mamak jalang   Mangkoknyo mamak datang kamari, mamak mandapek kato sadiah, kato di baok angin lalu, antah iyo antah tido, panglimo gaga datang ka mamak, utang dek mamak manyampaikan.
Reno Nilam		Ondeh mamak janyo denai, tampek baiyo jo batido, tampek mangadu patang jo pagi, tantangan kato mamak nantun, indak ado salah jo saseknyo, itulah kato nan sabananyo   Danga dek mamak nilam katokan Waktu nilam di tapian sadang manyasah kain jo baju tibo panglimo gaga maso itu   inyo nan datang berang-berang dikatokan bahasonyo nilam alah batunangan jo tuan Palimo Gaga” disinan hati mangko taibo maklum lah mamak tantang itu
Ciak Menan		Reno nilam janyo mamak, lah katantangan di diri palimo gaga, lah sipeknyo kacaro itu, indaknyo pandai basilunak, indaknyo pandai basilambuik, tapi Palimo Gaga hatinyo elok, mamak lah tau salamoko
Reno Nilam		Ondeh mamak janyo nilam, tapi samantang pun baitu indaklah patuik inyo sarupo itu, sabab denai ko anak gadih.
Ciak Menan		Reno nilam janyo mamak, usah itu kito rantang, jikok di rantang namuah nyo panjang, elok dipunta naknyo singkek, kito ambiak sajo nan paguno ...   Danga dek nilam mamak katokan   dipakan nan daulu palimo gaga datang ka mamak inyo mintak di patunangkan jo kamanakan mamak reno nilam
Reno Nilam		Ondeh mamak janyo nilam Tampek baiyo jo batido   Jikok tuan Palimo gaga denai tak suko samiang juo urang lingkareh dalam nagari urang mamakan masak matah urang barajo di hati bajutan di mato urang   indak den takuik dek bagak urang indak den harok di kayo urang indak den suko saketek juo maklum lah mamak tantangan itu
Ciak Menan		Danga dek nilam mamak katokan, usah maino ino urang usah mancaci caci urang, lawik sati rantau batuah, urang didunie banyak kiramek   Dek nilam cubo pikiakan,  mamak bautang sapanjang tahun, utang sapacik ka saganggam, kok indak nilam mamak runggukan jo apo utang ka mamak bayia, itu di mamak nan marusuah …
Reno Nilam		Ondeh mamak janyo nilam, urang nan arih bijaksano, utang mamak bayia dek mamak, utang nilam, nilam nan punyo.
Ciak Menan		Sajak ketek den gadangkan Aie susu dibaleh jo aie tubo kini lah pandai malawan mamak   kok indak namuah manuruik parentah mamak usah bamamak ka diri denai carilah mamak ka urang lain.   (Nilam menangis)   (Mamak pulang )

 

4.      Reno Nilam Mancari Bujang Baganto

Reno Nilam			Ondeh tuan bujang baganto Hilia mudiak lah denai cari Disiko tuan malah kironyo
Bj. Baganto			Reno nilam gadih nan jombang Tumpuan kasiah diri denai   Rusuah bana denai maliek apo dek adiak nan taraso apo dihati nan takilah
Reno Nilam			Ondeh tuan bujang baganto tampek mangadu patang jo pagi rusuah bana hati di dalam   (NILAM MENANGIS) Ondeh tuan bujang baganto tampek mangadu siang jo pagi mangkonyo nilam datang kamari buruak untuang di badan diri.   (NILAM MENANGIS) Di hari nan kapatang Mamak barundiang maso itu mamak mangatokan ka bakeh nilam bahaso nilam alah batunangan iyo jo tuan palimo gaga
Bj. Baganto			Ha,,,ha,,, Kok iyo itu nan tajadi kabaa pulo janyo denai, iko basuo bak pantun urang diak. Kasariak mambali dadiah Katalang mambaok jamba Iyo sarik baayam putiah Kok indak sikok alang manyemba
Reno Nilam	:		Tapi tantang kato mamak nantun nilam tulak mantah mantah Nilam katokan bahaso nilam alah batunagan iyo jo badan diri tuan   Tapi…. Mamak katiko itu inyo berang indak kapalang mahariak mahantam lantai sampai kalua kato kato bahaso mamak indak ka ba kamanakan bakeh nilam   Nilam menangis .................   Padi sipuluik elok katapai di bao urang ka pitalah cinto ka tuan kok indak sampai bialah mati bakalang tanah
Bj. Baganto			Putiah kapeh lah dapek kito liek Putiah hati bakaadan   Kini baitu malah dek nilam eloklah kito samo pai etan karanah rangkiang luluih di sinan kasiah kito sampaikan
Datang panglimo gaga
Panglimo gaga	:		Mano lah waang bujang baganto Indak kok waang mandapek kaba Bahaso denai lah batunangan duo jo reno nilam Indak waang ka takuik badan ka mati Elok waang babaliak pulang   Manolah waang bujang baganto   Alum tahu ang jo diri denai Aden nan bagala panglimo gaga Urang bagak ditangah koto Aden juaro galanggang   Kandak den pantang indak balaku Hitam kecek den hitam Putiah kecek den putiah   Kini baitu malah dek waang Tinggakan si nilam Babaliak waang pulang
Bujang baganto			Manolah tuan panglimo gaga Sajak dulu denai lah tahu Tuan nan gadang dinagari Tuan juaro digalanggang Tapi samantangpun baitu Kok kayo di harato rampasan Kok gapuak maungguak lamak   Wak gaek taruang asam Lah gaek salero tajam
Palimo gaga			Oi bujang baganto Muluik wa ang sangek kasa   Manolah waang tuak leman jo galang sapik Ang bunuah paja ko Capek .....
Akhirnya Bujang Baganto terbunuh Oleh Palimo Gaga Dan Anak Buahnya Tuak Leman jo Galang Sapik Karena takut mereka melarikan diri Karna cinta reno nilam tulus kepada bujang baganto sehingga Reno Nilam Bunuh Diri Dengan Pisau Yang Ditusukkan Kepada Bujang Baganto
Reno Nilam		:		(Bj. Baganto Sekarat)   Tuan…. Tuan …. Tuan …..   Jan tinggakan denai tuan ….. Kama badan ka mangadu lai tuan … Denai indak nio palimo gaga tuan …. Tuan …. Tuan …. Bujang baganto mati ... Tuan …. Tuan ….   Jarajak dibukik taban Simantuang dibukik tinggi Kama kamanggapai lai   Tampek bapijak nan alah taban Tampek bagantuang nan lah putuih Kamano badan manggapai lai     Mati tuan mati basabek Mati tuan karano denai   Indak nilam malawan mamak Indak nilam manantang mande Cinto nilam ka Bj. Baganto Indak palimo gaga   (Reno Nilam ma ambiak pisau yg tertusuk di perut Bj. Baganto)
MANDE MENCARI RENO NILAM
Tk. Kubalo		:		Tukang kubalo sedang manyabik rumpuik Bertemu dengan reno nilam dan bujang baganto Di hutan yang sudah tidak bernyawa lagi langsung pergi keruman mande reno menjemput mande dan mamak
Siti Zubaidah		:		Nilam ... Manga tajadi nan bak nangko nak ... Sia nan babuek nak Maafkan mande nak ....   Anak kanduang badan dek diri Maafkan mandeh kanduang Manuruikkan hati gadang   Dek Harok Basubang Gadang Talingo Rumpuang Tak Dikana Dek Haro Manghadang Dunia Badan surang manangguangkan

 

https://t.co/epu1JU2AVY

— mudobarapi (@mudobarapi) December 12, 2020